【低壓槽】張繼聰被張家輝欽點接棒搞笑:「佢過咗好多功力畀我」

撰文:
最後更新日期:

電影《低壓槽》正式上畫,焦點除了落在第三次自導自演的張家輝身上,觀眾入場看便找到另一亮點,呢個就係張繼聰。

事關自張家輝轉戲路及當上影帝後,過往最討人歡喜的搞笑演出都絕跡銀幕,大家最懷念唔係罪犯嘅味道,而係化骨龍嘅味道。而正正就在今次《低壓槽》中,大家從張繼聰身上尋回這份風味,經細問下,原來張家輝真係有私下過料俾張繼聰去演一個搞笑角色。

張繼聰在《低壓槽》的演出,為整套戲帶來不少喜感。

化骨龍是張家輝電影系列上首個經典角色。

由偶像到同場演出

張繼聰接受《香港01》訪問時,被問到不少觀眾睇完他的演出,都大讚有種濃烈的化骨龍味,阿聰聽到沒否認,還承認是從偶像身上學回來的。「好開心係你本身好鍾意這位演員,然後有一日他當上導演找你演出,同場再教你他以前是怎樣去演這種角色時,是非常開心的,每次拍完返到去都不期然地再練習下。」

在戲中,張繼聰飾演家輝的跟班,但行徑及言談間他更似大佬。「我想我就是負責演比較佻皮的他,其實他骨子仍然有點化骨龍搞笑的特質想表達,只是現在就將這重任交俾我。」兩位由《陀地驅魔人》開始合作,當日阿聰的角色都是跟班,已經過了很多功夫給他。「例如當喜劇演員的節奏,角色要如何處理等。合作之後,我嘗試將所學的放到其他電影或電視劇上演,睇下又得唔得。」雖然再跟偶像合作,不過心態上已冇以前的緊張,多了的是默契。「反而有宣傳人員會話我說話語氣及眼神開始有點似他,但我唔覺。」

張繼聰非常感謝家輝對他委以重任,專演他搞笑的一面。

【低壓槽】張家輝話細細個睇苗僑偉戲大 「佢以前冇咁型嘟嘟哋」【低壓槽】張家輝再邀大佬撐首映 張學友︰而家叫佢細佬都驚驚地

袋住一套演法開工

未入行前,張繼聰已經好欣賞家輝,覺得他無論演喜劇還是認真的,都別樹一格。「就算去到導演,他可以本住條命去拍部戲,俾我好多啟發。第一次開工都好粉絲心態,現在雖然都會有少少緊張,但會當他是好好的導師。」

《低壓槽》中有一幕,張繼聰自吹自擂講番以前的威水史,內容正是張家輝在《黑社會》中食匙羹一幕。「佢叫我做一次,講完佢就笑住話︰『得喇,你唔好再練,費事一陣講到滑啞,轉頭一take過,自己執生!』當時心想,百幾人在現場,一take過衰了豈不好尷尬?好想去再練習下,但又怕笑話講多兩次會唔好笑,都幾緊張。」

兩位張生在《陀地驅魔人》中為首次合作,粉絲見偶像特別緊張。

此外,家輝經常叫他度度下一場戲要怎去演,但其實他早就袋住一個演法開工,每次講出來,都叫阿聰心服口服。「他提議的真係比我好,就是諗到你諗唔到的演法。做演員如何成功去創造一個成功的角色,當中是有一些法門可循,重點是睇你肯為一個角色幾認真去揣摩,在大家都喊收貨時,如何再度一個好一點的。」所以阿聰更加佩服張家輝,可以身兼演員跟導演,那份毅力自己就暫時未有。

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。