【復仇者聯盟3】「星爵」Chris Pratt在IG俾人狂鬧 原來關套戲事
撰文：黃梓恒
出版：更新：
以下內文有劇透，有心理準備先好拉落去
逃生門在此：【復仇者聯盟3．多圖】Marvel 10大男神 洛基挑戰雷神美國隊長
《復仇者聯盟3：無限之戰》勢頭相當勁。（網上圖片）
《復仇者聯盟3：無限之戰》當然是城中熱話，除了票房不斷地打破紀錄之餘，討論的聲音也從沒有停過。有咩討論？最重要的當然是劇情，邊個死咗邊個翻生呢啲題目講到口臭，下集的故事會係點就有大把人爭論，總之一套戲能夠伸延到咁多話題出嚟，的確是相當成功，如果你無睇到，隨時連朋友圈的話題都搭不上。
Chris Pratt無喇喇俾人鬧，點解？
不過在討論的聲音背後，有一個人相當之慘！憑住《銀河守護隊》飾演人氣角色「星爵」的Chris Pratt，隨著電影上映之後卻被人鬧爆。有睇套戲嘅觀眾應該都知道，就是因為「星爵」控制不住情緒，在復仇者各人差點把Thanos的手套除掉時，硬生生把原本的計劃打破，令到Thanos甦醒導致最終的結局。
有人在Chris Pratt的Instagram上，將對「星爵」的討厭情緒發洩在Chris Pratt身上，例如：「Y You did that starlord ! You sucks man .. You killed half of the universe」又話係因為佢所以Thanos先會贏：「You’re the reason Thanos won」估唔到咁都可以鬧一餐！
好慘呀佢。（網上圖片）
呢個兩留言只係少數，仲有好多，大家可以自己上去搵。（網上圖片）