【我老婆唔夠秤】鄭伊健蔡卓妍見面即互串 阿Sa:佢把口唔收㗎!

撰文:
最後更新日期:

鄭伊健近年將事業重心放在演藝方面,少見他公開新的音樂作品,不過他日前公開表示落實於2019月2月24至27日及3月1日在紅館舉行5場《Along with Ekin Live Concert 2019》演唱會,今次商台更找來Twins的阿Sa(蔡卓妍)跟伊健一起接受主持謝茜嘉的訪問,大談2002年合拍《我老婆唔夠秤》的趣事之餘,再幫演唱會宣傳造勢!

鄭伊健自稱為人內斂,不過遇上阿Sa,都跟着她一起跳跳紥。

謝茜嘉一見到鄭伊健和阿Sa兩人的相處表示感到十分出奇,事關她指從未見過伊健如此跟人鬥嘴,顯得十分雀躍,在《古惑仔》和《黃金兄弟》中,你一定不會見到他這面,兩人你一句我一句,一來一往,簡直是「雞啄唔斷」!事後兩人均稱自己平時不是這樣,很斯文,不過一碰頭就會鬥嘴,阿Sa更投訴初相識時,被他取笑塊面似「打扁咗嘅菠蘿包」,所以要窒他還擊。伊健哈哈大笑說:「你嗰陣時真係好似外賣壓到最底嗰件菠蘿包,依家唔同晒,靚咗好多!」阿Sa強調:「我冇整容㗎!」

10年後拍《我老婆唔夠秤》續集《我老公唔生性》,綵排時兩人已經喊出真眼淚。

導演禁綵排

訪問當中,兩人提起續集《我老公唔生性》綵排的場面,其中一幕是阿Sa病倒了,伊健需要照顧她,是跟《我老婆唔夠秤》有相關。阿Sa指在綵排時,自己在哭,沒想到一轉頭看向他,他的眼淚也不停地流下來,其後導演進來說「好啦!好啦!你哋唔好再綵排喇!唔係一陣正式拍攝冇晒眼淚!」

阿Sa揚言會界爆晒紅館啲櫈!

阿Sa其實係個激進小粉絲

阿Sa自爆當初得知伊健明年二月紅館舉行個唱後,表示非常興奮,更率先為他定下歌單,再私下傳給音樂總監陳光榮,揚言:「嗱!鄭伊健演唱會如果佢唔唱晒呢啲歌,我就會𠝹爆晒紅館啲櫈!」她透露歌單內都是較冷門又少聽過伊健唱現場的歌,她對伊健說:「《友情歲月》呢啲就唔使點唱,因為你一定唱,我揀嗰啲sidetrack例如《內傷》,好想聽你唱live ,至少我去睇嗰場一定要唱!」

原來阿Sa細細個已經成日叫伊健吔茄!

伊健笑指阿Sa粗魯

當訪問去到尾聲,兩人依然停不了鬥嘴,伊健不時提着阿Sa塊面是個被車扁了的菠蘿包,又笑指:「好彩拍照影得我比你瘦」阿Sa即時以4個字反擊他「吔茄啦你!你個頭大呢最弊!」其後現場應該有工作人員提醒,阿Sa笑着反問:「吔茄唔出得街㗎?」伊健即時補刀:「你睇下佢個人幾粗魯!」阿Sa再問:「咁吔Shwe(屎)呢?」伊健再補充:「拍第一集嗰時,佢成日都叫我吔茄!」雖然兩人年齡上相差十多年,但都是因為兩個人夠Friend,才可以你窒我,我窒你又不會動真火,最後希望紅館的櫈不會被阿Sa𠝹爛啦!

+17
+16
+15


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。