【香港電影評論學會】黃秋生三度封帝:風雨飄搖的時候雪中送炭!

撰文:
最後更新日期:

第二十五屆香港電影評論學會大獎今日在電影資料館舉行,由陳小娟執導;黃秋生主演的《淪落人》獲得包括最佳編劇及最佳男演員兩大獎。對於今次能獲得評論學會認同,兩人感受都特別深刻。憑《淪落人》奪最佳男演員獎的黃秋生話:「係依個風雨飄搖的時候雪中送炭,真係好喇!」;而導演陳小娟則指「超級開心」,因為她做了編劇7年,今次是首次獲最佳編劇獎。

陳小娟執導,黃秋生主演的《淪落人》獲得包括最佳編劇及最佳男演員兩大獎。(陳順禎 攝)

第二十五屆香港電影評論學會大獎今日舉行頒獎禮,第三度獲大會頒發最佳男演員獎的黃秋生現身頒獎禮。接過最佳男演員獎後,黃秋生指今次得獎特別有感受,並表示特別想再攞這個獎:「一直都諗攞多一個就好,可以平衡返。」然而,秋生續表示因為好耐無留意業界發展,不知道這個獎項有沒有繼續頒發:「因為都好耐無留意,同埋好耐無在這行業參與啲咩嘢。」當知道原來頒獎禮來到第二十五屆,而他得知自己第3度獲獎時都十分高興:「我知呢個會係好專業,(拎獎)唔係咁容易,係專業上一個認受,佢先會頒獎俾你。我當然好高興,同埋係呢個風雨飄搖的時候雪中送炭,真係好喇!」

黃秋生憑《淪落人》第三度奪得香港電影評論學會最佳男演員獎。(陳順禎 攝)

至於下月舉行的金像獎,黃秋生坦言:「無咩所謂喇,金像獎估唔到,電影評論學會就有條路估。佢哋係由一個影評角度、文化及文學角度選出,但金像獎就無得睇。」如果要選一個,秋生則表示:「只可以估周潤發。」至於而在頒獎禮上,劉德華指新導演要多找他,秋生也笑言要跟劉德華交換拍戲:「最想拍賺錢嘅戲,片酬高嘅戲,題材就無乜所謂,唔通拍《淪落人》個時諗住攞獎先拍咩。」

陳小娟獲劉德華頒發最佳編劇獎。(陳順禎 攝)

另外,憑《淪落人》奪最佳編劇的陳小娟對於今次能獲她首個編劇獎感到超級開心:「因為評論學會係舉足輕重,而且係編劇獎,自己入行都6至7年,一直都係做編劇。」但有苦自己知,她續表示:「其實一直都唔好彩,啲劇本一直都收唔足錢,一係就拍唔成。今次第一次拍得成自己的劇本,然後又攞到獎。所以好感動。」

她又指為何選秋生做男主角:「寫完覺得佢好似,然後身邊所有人都覺得唔搵佢唔得。一直好欣賞佢演技,又需要一個講粗口好動聽嘅人,所以絕對係佢。約出黎,真人再加多一份滄桑,好適合佢。」

對於劉德華指新導演要多找他,陳小娟表示:「今晚即刻返去搵題材。」

對於編劇出身的陳小娟來說,首次獲頒最佳編劇獎,對她來說非常有意義。(陳順禎 攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。