【葉問4】甄子丹開鏡2日前先睇劇本 終章未必代表完

撰文:
最後更新日期:

由「宇宙最強」甄子丹主演的《葉問》電影系列已來到第4集,今日(18日)丹爺在國際影視展就表示自己開機前兩日才收到劇本,更露口風指出原來《葉問》來到最終章,也未必無機會再跟大家見面。

攝影:陳順禎

一連四日《香港國際影視展》在灣仔會展舉行,其中由甄子丹主演的《葉問4》,在今次影視展中設有「葉問館」,還原「葉家大宅」。(陳順禎攝)

一連四日《香港國際影視展》在灣仔會展舉行,其中由甄子丹主演的《葉問4》,同樣有在今次影視展中設有「葉問館」,還原「葉家大宅」,回歸葉問一至三集,供粉絲拍照。

甄子丹接受訪問時透露即使《葉問》來到最終章,未來也不是沒有機會跟大家見面。(陳順禎攝)

今日丹爺接受訪問時自爆:「開機前2日先收到劇本,想帶新鮮感俾觀眾。」期後被問及會否害怕不夠時間看劇本時,他指:「其實我覺得呢部戲嘅處理同其他戲唔同,始終第一集我唔知道點去做,因為大家俾面,鍾意咗我演呢個角色,第4集我唔會演一個唔同感覺嘅人物出嚟,反而我同導演有個默契,係咪要搵個最感性,隨性嘅感受,當時我睇完劇本就演出嚟,感覺會更新鮮。」

飾演李小龍的陳國坤,相信在《葉問4》的戲份會大增。(陳順禎攝)

事關今次《葉問4》是葉問系列的最終章,就連監製黃百鳴都說:「一定唔可以錯過第4集,預告暑假上映,最後一集喇,想睇都冇得再睇喇!」問及丹爺《葉問4》就完,會否感到可惜時,他就表示:「呢個世界點都係圓嘅,講唔得晒,全部都好睇觀眾,電影嘅嘢千變萬化,所以我覺得唔可以排除將來嘅事,最緊要係電影嘅嘢唔好睇得咁實,唔同嘅組合,最緊要個組合有冇產生到新嘅化學作用,如果有唔同嘅電影人、新演員、新或者舊嘅拍檔,可以刺激到大家藝術上嘅創作,俾新嘅嘢觀眾會有好多變化同可能性。」丹爺鬆口無講實不再拍葉問,可能《葉問4》後真的有機會再見到做葉問的丹爺!

在戲中飾演葉問老婆的熊黛林(Lynn),就表示現在演出這個角色的心態跟以前不一樣。(陳順禎攝)

而飾演丹爺老婆的熊黛林(Lynn)同樣表示自己在心態上有所變化,而最大的改變當然是由扮媽媽到真係成為一名媽媽,她:「依家更加可以體會到,一個懷孕媽媽身邊有個好老公,愛錫自己、理解自己嘅重要性,嗰時第2集子丹幫我按腳個嗰時,我真的不太體會到一個男人有幾咁偉大,甄子丹聽後即時回應:「其實唔係好偉大,老婆大肚仲辛苦啦!同埋劇情係葉問無錢啫,有錢我搵人日日同你腳底按摩揼足10個鐘都得啦!」熊黛林更指自己搵老公的,正是照着丹爺所演的葉問來定下標準。

+5
+5
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。