【金像獎2019】陳湛文與新人獎失之交臂 太太宋雯:一個好嘅磨煉

撰文:
最後更新日期:

TVB娛樂新聞台主播宋雯(Wendy)自2013年進入tvb後,從事娛樂新聞、採訪工作五年多時間,今年第一次有幸以伴侶身份與她的另一半,憑藉電影《三夫》入圍「最佳新演員」的陳湛文(Peter)一齊出席頒獎禮。Wendy表示:「雖然最後攞唔到獎,但我喺Peter隔離見佢從容自若,毫冇負擔,或者因為我哋兩個都被Crisel在《淪落人》的演出深深感動,所以早已喺心裡面投佢一票。而且我同Crisel以前係主題樂園的同事,所以佢得獎,我哋都覺得實至名歸。」

來自菲律賓的Crisel Consunji憑藉《淪落人》奪得最佳新演員獎,左為宋雯。

回想起初初Peter接拍《三夫》,當中有不少大尺度場口,兩人困惑了近一個星期到底接不接,最終答應拍攝後,兩人甚至相擁而泣。直到現在金像獎的圓滿落幕,Wendy也感慨到:「呢套戲喺我哋嘅生命中亦都算告一段落,過往呢一年陪伴著Peter嘅所有喜與悲,係一個好好嘅磨鍊,令佢可以去迎接、面對日後更多嘅挑戰,亦令我哋嘅感情更加坚固。我愿意做佢背后嘅女人,一直陪伴、扶持佢。」

宋雯表示愿做Peter背後的女人,一直支持他,甘苦與共。

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。