【女皇哥基大冒險】栢天男初試啼聲扮老狗:導演第六Take先收貨!

撰文:
最後更新日期:

今日(17日)動畫片《女皇哥基大冒險》舉行首映禮,栢天男在電影中飾演已退役但仍有地位的狗大佬尼爾遜一角,這也是栢天男第一次參與動畫配音:「之前有配過自己電影裡面嘅聲,第一次做咁好玩、咁多colour嘅角色。」栢天男在配音過程要壓低把聲去演:「因為喺戲裡面演好老成嘅老狗,但你聽到我把聲比較年輕,所以做咗好多research。」

栢天男說在拍攝過程中,中文進步了不少,皆因動畫是給小朋友看的,要逐字逐句說清楚。(陳順禎攝)

栢天男又分享配音與拍戲的感覺截然不同:「第一係冇得用身體語言、動作,我錄音嘅時候以為,如果人哋扔嘢過嚟,我就閃避,然後導演就話:『你做得好好,聲音都ok,不過完全錄唔到!』」栢天男才驚覺配音需要另一種技巧:「要學識淨係用把聲去表現個角色,係個好特別嘅挑戰。」栢天男又憶起導演的高要求:「好似去到第六take先收貨,之前嗰啲都要再錄過。」

栢天男又感謝導演和領班教他養聲之道,令他在過程中長時間配音也沒有失聲。(陳順禎攝)

栢天男分享自己也是一個愛寵物之人,所以這次聲演狗的角色亦甚為有趣,更憶起自己與寵物的回憶:「我細個有養狗,同佢感情非常之好,佢仲會成日食我啲功課,尤其是聽日要交嗰啲,一定唔會放過我。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。