【九龍不敗】鄭嘉穎爆畢生難忘經歷 喺澳門拍戲拍到被通輯

撰文:
最後更新日期:

電影《九龍不敗》今天(18日)舉行首映禮,而鄭嘉穎與劉心悠是戲中的主要演員,當然有出席支持這個首映禮。二人繼電視劇《步步驚心》後再度合作,不過嘉穎覺這次有點可惜:「其實今次同心悠好少對手戲,得一兩場,希望下次多啲。」

鄭嘉穎拍完電影《九龍不敗》後,往後想接多一點動作電影,因為希望趁著還能跑得打得的年紀想再接多一些這類型電影。(陳順禎攝)

在拍攝電影過程中,有一件事情令到嘉穎畢生難忘:「我係飾演澳門警察,有一場戲要追張晉,當時導演叫我喺某一座大廈跑出嚟,當我入到大廈準備拍跑出嚟嘅時候都有啲奇怪,因為有啲保安問我做咩入嚟,唔入得,但導演叫到緊係要入。拍完之後就同助手去飲咖啡,突然收到一個電話話叫我入警察局,我問做咩要去,佢哋話我被通輯,我話吓點解嘅,原來就係啱啱場戲埸地冇申請,仲要係澳門保安局局長Office,然後請哂成個劇組返去問話,而CCTV見到我個樣,所以要我返去問話。不過冇嘅,呢個係人生好寶貴經歷,有十幾個鐘喺裡面渡過。但係一讚嘅係澳門警察好Nice,仲問我想食乜。」

嘉穎說到動作電影中的動作場面會容易令人留下深刻印象,所以在電影市場中打戲是必需要。(陳順禎攝)

而心悠在這套戲中嘗試了人生第一次的特技化妝:「戲中我係飾演切除咗胸部嘅女性,所以我要包扎住上半身,然後我胸口黐上一塊皮。化妝時候勁多人喺我個胸度畫畫,都好特別。另一場係張晉面前show個胸畀佢睇。其實拍呢套戲都幾辛苦,因為扎住個胸又要跑嚟跑去,其實好難忘。」

心悠指之後想朝著做武打藝人方面進發,期望學習MMA。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。