【沉默的證人】張家輝多年來默默關注任賢齊 嚮往小齊娛樂人生
撰文：賴家杰
出版：更新：
張家輝和任賢齊昨天（19日）出席電影《沉默的證人》首映禮，二人繼電影《大事件》相隔15年再度合作，笑言擦出新火花，家輝說：「15年前其實同小齊接觸唔係好多，但15年後接觸多咗。我反而估唔到原來佢打得，動作方面佢識打，呢件事令我估唔到，因為通常見佢處理文戲，好少見佢打咁多。呢個戲佢打我好多。」
拍這套電影，家輝笑言動作場面太多，受傷是在所難免。（梁碧玲攝）
小齊不敢直認自己在動作方面拍得好，將所有功勞歸於家輝，他說：「家輝其實好體貼，好多玻璃樽，滅火器佢都會敲敲自己個頭先，同我講唔會太痛。家輝每一個地方都好關心別人，真係好好，要多謝佢。」
小齊看見現在家輝做導演，渴望下一次能找他做演員。（梁碧玲攝）
提回事隔多年二人再合作，原來家輝一直默默關注小齊，他透露：「雖然咁多年都比較少聯絡，但其實我成日都會社交平台留意佢，閒時見佢去沙漠，隔幾日又見到佢去熱帶雨林，轉頭又去玩越野電單車。我覺得佢好健康，我自己就衰啲，冇乜娛樂，所以啱啱我都同佢講下次有咩帶埋我去玩。」
小齊指如果在香港開演唱會一定會叫家輝做嘉賓。（梁碧玲攝）