【東京電影節】《BB復仇記》增肥廿磅演孕婦 陳靜︰希望看到誠意

撰文:
最後更新日期:

由天下一電影發行,陸以心執導,陳靜(DaDa)、朱鑑然(Kevin)、余安安、張繼聰演出的電影《BABY復仇記》,戲中DaDa首次演孕婦,就獲邀入圍於10月28日至11月5日,在日本東京舉行的第32屆東京國際電影節的「亞洲未來」單元,而導演陸以心更會與戲中飾演夫妻的朱鑑然及DaDa等到當地參與是次盛事!

DaDa跟朱鑑然戲中演一對夫婦,有不少親熱戲。(《BABY復仇記》劇照)

對於電影入圍電影節,DaDa感到非常開心,坦言今次為角色做了不少準備,外形上要先把頭髮剪短,是首次以短髮參演電影,更要「犧牲」為色需要增肥接近20磅。「自己喺角色上花近兩個月時間去塑造,最大壓力係自己未做過孕婦,雖然我本身好喜愛小朋友,但角色係非一般孕婦,係一個唔鍾意小朋友嘅一個職場女強人,因為佢嘅經歷佢嘅心路歷程甚至懷孕嘅生理因素種種,所以花嘅時間資料搜集比較多,亦都參考好多懷孕嘅百科全書,希望觀眾係電影入邊可以感受到我嘅努力同誠意。」

余安安飾演公主病奶奶,張繼聰就非常破格,飾演金牌陪月。(《BABY復仇記》劇照)

陸以心之前曾有作品參與過東京國際電影節,這次將再次出戰,她興奮表示:「當然係好開心,同埋冇諗過咁幸運可以再次入圍東京國際電影節。呢個係對《BABY復仇記》的莫大肯定,所以好感激電影公司、監製、所有演員仲有所有幫忙拍攝嘅手足,冇佢哋就冇呢個驚喜。」

至於朱鑑然(Kevin)對於首任男主角的電影能夠入圍東京國際電影節,亦深感驚喜及感恩,他又提及拍攝的難忘事:「最搞笑係DaDa、安安姐仲有阿聰喺餐廳食飯場戲。我第一次俾一個男人大力搓胸。不過感覺好以都唔錯!哈哈!另外我同DaDa好快就熟絡,頭幾日就拍親熱戲但似乎大家都冇咩問題,只係我第一次拍咁強烈嘅親熱戲所以特別印象深刻。」

呢班保母團,一睇就知好有母愛。(《BABY復仇記》劇照)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。