【新解釋三國志】記者會用紙牌代替巨星演員 大泉洋叫記者唔好走
撰文：陳穎思
出版：更新：
日本電影《新解釋三國志》日前舉行作品完成記者會，該片演員陣容相當華麗，包括「曹操」小栗旬、「黃巾」山田孝之、「黃夫人」橋本環奈、「貂蟬」渡邊直美、「呂布」成田優、「周瑜」賀來賢人及「趙雲」岩田岡典等。
《新解釋三國志》記者會上以紙牌人代替一眾巨星卡士，當日有出席的大泉洋與室剛鞠躬道歉。（影片截圖）
不過記者會現場以上演員都缺席，大會安排紙牌人代替，讓穿上戲服親自到場的「劉備」大泉洋與「諸葛孔明」室剛相當尷尬。大泉洋看著身旁的人形紙板無奈地說：「究竟咩事？出大事？如果全部人都嚟，係好豪華嘅陣容喎，當然我係主角，但咁樣睇嚟……我同室剛咪好得閒？」
二人見到工作人員搬出一個個紙牌嚇到呆咗。（影片截圖）
其實大家明知片商玩嘢，但現場記者都被逗笑，大泉洋仲叫記者不要因為星光黯淡而離去：「少咁啲攝影機我會唔開心！」但其實他本身都是大忙人，除了演出巡迴舞台劇及拍攝新劇《派遣的品格2》，大泉洋更獲選任本年紅白歌唱大賽的主持人，片商用呢個方泓宣傳，都算高招！