《#PTGF出租女友》兩位新演員亮相 Erena試鏡靠Cosplay突圍

撰文:沈洛嘉
出版:更新:

由蕭定一旗下「hmvod」開拍,鍾培生有份投資的話題港產片《#PTGF出租女友》現已開鏡拍攝,今日(23日)一眾女演員更率先以戲中Cosplay服裝跟傳媒見面。

攝影:葉志明

Amber(左)與Erena(右)分別扮演蜘蛛女和不知火舞。(葉志明攝)

當中兩位女新演員Amber(葉俙賢)以及24歲的Erena分別打扮成蜘蛛女以及不知火舞,令人目不暇給。Amber跟Erena皆透過試鏡入選,前者在朋友極力建議下一試,而後者則是KOL,Amber自言:「我係Sell性感同埋敢言!」問到首次拍戲有甚麼挑戰時,她回應:「要喊係一個挑戰,角色好跳脫、情緒化都好符合我個人性格。」

Amber與Erena首次拍戲,即有機會與趙善恆(左二)和岑珈其(右二)合作。(葉志明攝)

至於Erena的Cosplay衣着十分性感,但她直言不感尷尬:「唔會啊,因為我本身都有玩開Cosplay,之前試鏡都有畀過不知火舞導演睇,可能咁都留咗深刻印象畀佢,而家咁着已經係喺戲入面最性感,其實主要睇戲份同埋內容,幾性感我都OK。」

Erena本身都有玩過cosplay,自言sell性感及敢言,而Amber有做開模特兒,她有經營YouTube Channel。(葉志明攝)

至於Amber本身都有拍開YouTube,亦會經營IG。Amber說:「雖然係第一次拍戲,不過大家都好幫我、教我,點樣可以做到想要嘅效果。(性感方面會唔會好大尺度?)暫時唔會好性感。(係會見到)少少事業線,至於今日要扮蜘蛛女都唔算好有難度,起碼我覺得黑色係顯瘦,都幾好。」

點擊下列圖輯,欣賞更多靚相:

+39

同場加映:《#PTGF出租女友》沙律郭奕芯各自各性感 12位新演員搶鏡登場

+26

點擊睇12位新女演員:

+21
你可能感興趣