《鬼同你住》預告再爆金句 「香港法律最偉大係可以改來改去」

撰文:許育民
出版:更新:

由陳果執導的驚慄喜劇《鬼同你住》,鐵定8月5日上畫,電影以香港瘋狂的樓市為主題,講出香港人寧住凶宅都唔想冇屋住的苦況。而在最新推出的預告,陳果不失其語出驚人態度,一句由地府閻王講出︰「香港法律最偉大嘅地方,就係可以改來改去!」一針見血。

又南做一個倒霉經紀,專賣凶宅。(《鬼同你住》劇照)

《鬼同你住》宣傳正式開始,之前推出的預告片,因某些鏡頭太恐怖血腥而未能通過電檢審查,必須以「禁」字浮標遮蓋才能公開播放。如要一睹猛鬼驚嚇尊容,就要睇網上足本版終極預告版本!來到終極預告,飾演地產仔阿源的黃又南,積極推銷半山筍盤,筍係因為全是凶宅!而當他積極推銷時,一直居於凶宅的猛鬼業主高佬鬼(車保羅 飾)即時出現,大鬧阿源︰「我唔鍾意你賣我層樓!」

+6

隨後陳果繼續頑童本色,玩血腥恐怖,更玩諷刺幽默,借鬼故事批判香港樓市荒謬,將「同鬼住恐怖?定無屋住恐怖?」發揮得淋漓盡緻,預告中不乏啜核金句,例如炒家袁生(龍天生 飾)對香港地產感慨:「你死,香港地產都未死!」又南發揮經紀本色,信心十足:「無錯,香港點會冧?」預告片中又有地府閻王罔顧法紀,就地契期限問題擅自刪改了999年土地擁有權,大爆抵死金句:「香港法律最偉大嘅地方,就係可以改來改去!」嬉笑怒罵,語出驚人,極盡諷刺能事。

地府閻王罔顧法紀,就地契期限問題擅自刪改了999年土地擁有權,大爆抵死金句:「香港法律最偉大嘅地方,就係可以改來改去!」(影片截圖)