《闔家辣》首映粉絲逼爆5層商場 吳君如：票房目標係7億
撰文：許育民
出版：更新：
由吳君如監製兼演出，鄭中基、呂爵安（Edan）主演的《闔家辣》，今日（10/7)於觀塘APM舉行首映，現場可見人群逼爆5層商場，其中有數百名粉絲更是漏夜通宵排隊等候，場面非常熱鬧。
現場有海量粉絲，由地下開始逼爆至少5層。（胡凱欣攝）
電影在過去兩星期舉行3日優先場，未計今日票房數字已過百萬，問到監製君如目標幾多？吳君如：「要向Marvel電影嘅票房進發，7億呀！」Edan聽見都非常開心，問可有分紅？君如：「有呀，睇下咩幣（貨幣）啦！」
Edan透露君如要求的演唱會門票已準備好晒，完全冇問題。（胡凱欣攝）
見到全個商場都係粉絲，Edan都非常感激粉絲支持：「Fans好好，今次安排都冇大問題，最緊要注意安全，其實仲有好多機會見到我哋。」
君如得知MIRROR 會分幾個排練場地排舞，便笑言可以到她屋企排練。（胡凱欣攝）
早前花姐在IG出帖，希望粉絲停止私追行為，以免影響演唱會綵排進度，身為MIRROR 成員的Edan表示情況已有改善：「之前是會影響出入，或者車輛停泊問題，但花姐出聲後大家都好乖，大家都係想見一面，希望之後都順利排練。」至於綵排進度方面，Edan表示：「熱烈地排練中，只是部分可能未夠熟未夠齊正，大家都好努力去練習。」
君如得知MIRROR 會分幾個排練場地排舞，便笑言可以到她屋企排練。（胡凱欣攝）