流水落花｜鄭秀文回應黃心穎復出：每個人都應該要有一個新開始
香港電影《流水落花》由新晉導演賈勝楓首次執導，鄭秀文、陸駿光、談善言主演。今日（13日）鄭秀文攜同陸駿光、導演賈勝楓及兩位小演員吳祉嶠、趙啟嵐出席謝票活動，與觀眾見面。
鄭秀文與陸駿光在活動上接受訪問，對於過去一年香港電影票房表現出色，鄭秀文指自己也有看不少其他電影，亦表示：「對於票房，我冇乜信心，但係觀場入場率這麼高，不妨都欣賞一下每一個新導演嘅作品。」
對於劉德華日前在訪問中提及在影后之爭中偏心鄭秀文，Sammi笑指：「多謝華仔嘅支持，畀信心我。華仔對我嚟講，唔單止係好好嘅朋友，其實算係我嘅伯樂，由佢身上我感受到好多愛。」鄭秀文憑《流水落花》第10次提名香港電影金像獎「最佳女主角」，鄭秀文在提名出爐後表示沒有信心：「我好開心得到提名，就算係第10次都好開心。但我唔敢去諗（會否得獎），連提起『金像獎』三個字我都會『熄機』，選擇諗其他事情。」
而劉德華曾指自己亦有意參演《流水落花》飾演彬叔叔一角，鄭秀文驚訝地表示：「華仔自己講咗呀？其實華仔當初睇完劇本，都鍾意嘅。但我們都覺得華仔『好明星』、太Star！導演亦考慮過，最終亦是導演落決定。」聽畢鄭秀文來龍去脈，陸駿光表示：「我不懂得反應這一下。」但亦續指：「起初與Sammi合作也頗緊張，因為他一直也拍檔影帝級，驚自己會不夠好、拖累到他的表現。」
提及明日情人節，鄭秀文笑指：「差啲就唔記得聽日情人節，沒有特別預備慶祝。我們也不用燭光，簡簡單單鹹魚白菜就可以了。」
對於日前黃心穎預告於情人節復出，推出新歌MV進軍樂壇，鄭秀文回應消息時大方表示：「我唔知道呢個新聞囉，但係如果你問我，其實每個人都應該要有個新開始嘅。無論經歷咩都好，其實每個人都應該要有個機會去開始囉。」
黃心穎歌Crown Me歌詞自嘲八婆?
淡出多時的黃心穎，突然無預警公布新動向，新歌Crown Me表達叫大家盡情稱呼她為八婆、Cheap等，詳盡歌詞請看。可是，MV內的造型網友唔撐，而黃心穎回覆《香港01》表示，收到各方嘅祝福支持，都提及了選擇英文歌及靈感來源。
黃心穎與樂隊結他手泥鯭升溫？鄭秀文又如何回應黃心穎復出?
黃心穎早前接受傳媒訪問，終於再鬆口，指出與Rubber Band的鼓手黎萬宏（泥鯭）...詳情請看。再早前許志安接受訪問時，記者提到黃心穎已經開展新戀情，可會祝福對方，或者可有跟心穎聯絡，佢咁樣答⋯⋯詳情即睇。而鄭秀文就大方以一句話回應黃心穎復出，請看。