睇《降魔的》遊金魚街歎美食 太子8大美食推介 必試臭豆腐/芋圓

撰文:許慧恩
出版:更新:

無綫(TVB)劇集《降魔的2.0》正在熱播,當中飾演海魔Thalassa(譚凱琪飾)最愛在太子金魚街睇金魚,仲帶埋小馬(馬國明飾)一齊去!

俗稱金魚街的通菜街附近有不少平民美食,今次《香港01》飲食記者精選太子8大必食美食,下次小馬再去金魚街仲可以食返個「太子名物」先!

小馬同Thalassa多次一齊去金魚街睇金魚。(《降魔的2.0》截圖)

【1】超香脆臭豆腐、炸大腸@美味食店

可能是全香港最好食的臭豆腐!臭豆腐可算是經典街頭美食,不少人都覺得這間臭豆腐好高質,未行過去已經聞到勁大陣香味。臭豆腐味道超香濃,記得一定要加齊全部醬先最好食!網民話一定要加一種醬先好味!按下圖即睇咩醬先正、炸大腸有幾正👇👇👇

美味食店
地址:太子水渠道30-32號A美星樓地下10號舖
電話:2142 7468

【2】「太子名物」流心芝士豬扒包、沙爹牛肉漢堡@利口福快餐店

「太子名物」究竟是甚麼?原來就是這間快餐店的流心芝士豬扒包!豬扒包其實是吉列豬扒包,唔好以為外表平平無奇,其實咬開豬扒就有熱辣辣的芝士流出來,超邪惡呀!另外沙爹牛肉包都同樣出色,除了夠特別之外,鋪滿沙爹牛肉的熱狗包都勁吸睛!快餐店仲有一款fusion西多!按下圖即睇 😋😋😋

+1

利口福快餐店
地址:太子界限街43號恆富大廈地下1號舖
電話:2777 9006

【3】休閒風cafe主打自家製創意麵包@包販子

話明是包販子,當然要試下漢堡包!這間cafe主打創意麵包,麵包全部都是自家製,非常有heart!例如有北京填鴨包、咕嚕雞包、素肉漢堡等,甚至有創意版本的陀地西多!咕嚕雞包都幾受歡迎,其實就是大大塊的香脆炸雞,再加上香甜多汁的厚切菠蘿片和咕嚕酸甜醬。想知最人氣的美食係咩?按下圖即睇包販子美食👇👇👇

+1

包販子
地址:太子通菜街254號地舖
電話:2656 5605

【4】超人氣手工古早味蛋糕@山田本舖

這間古早味蛋糕是太子的人龍店!古早味蛋糕有原味、芝士、台式肉鬆、朱古力等,仲有限定口味架,例如菠蘿香蕉味、松子核桃味等,算是有較多口味可以選擇。原味同朱古力兩款都好受歡迎,蛋糕蛋香味濃又軟熟,配上爆漿朱古力,但唔會太甜膩,朱古力控必試!按下圖即睇有咩口味最推介🍰🍰🍰

山田本舖
地址:旺角洗衣街115號地舖

【5】芋圓控必食手工芋圓糖水@芋圓圓

太子最出名的芋圓甜品店,沒有之一呀!芋圓圓主打自家製手工芋圓,三色芋圓有芋圓、地瓜圓及紫薯圓,全部都好煙韌有咬口,而且真材實料,所以味道較濃郁。其中紫米露芋圓、椰汁西米露芋圓就最多人點,紫米露的糖水底較濃稠,三色芋圓可能因為無用糯米粉,因此更加有芋頭、番薯香味。按下圖即睇三色芋圓有幾正、價錢🥣🥣🥣

芋圓圓
地址:太子柏樹街1號地舖
電話:5543 0154

【6】主打特色花膠湯米@潮州人

50幾蚊就食得到花膠?太子一間特色粉麵店主打各款湯米粉,最特別一定是花膠米粉、清酒大蜆湯米,兩款都只是約50元,抵食!花膠湯米的花膠份量不少,軟腍又入味,值得一試。另外喜歡海鮮的你就要試清酒大蜆湯米,大蜆食落去好鮮甜,湯底是雞湯煲成,沒有味精的感覺!除了湯米連小食都好高質!按下圖即睇👇👇👇

+2

潮州人
地址:太子界限街12號A地舖
電話:6536 6626

【7】懷舊港式扒房歎鐵板燒@大興餐廳

除了花園餐廳之外,平民化港式扒房其實為數不多,這間扒房算是非常平價,晚餐鋸扒最平90元已經有交易,仲要包埋餐包及餐湯!大興餐廳主打鐵板牛扒,每次淋醬汁時都有一聲懷念的「炸炸」聲,香味四溢!肉眼扒超大塊,雖然牛肉味不算香濃,但勝在大大份又不會太韌!想知食扒有咩小貼士?按下圖即睇 🥩🥩🥩

大興餐廳
地址:太子西洋菜南街218-220號1樓
電話:2380 3938

【8】全港最好食菠蘿油@金華冰廳

老字號金華冰廳已經有47年歷史,菠蘿油、西多士、奶茶等都是招牌,手工製作的菠蘿油被稱為全港第一名好食的菠蘿油!菠蘿油作為港式茶記的名物,最重要是個包、牛油夠唔夠融。金華的菠蘿油烤得金黃香脆,麵包鬆軟,夾住厚厚的牛油! 按下圖即睇金華冰廳招牌美食 😋😋😋

金華冰廳
地址:太子弼街47號地舖
電話:2392 6830

😍😍😍 同場加映:元朗10大美食推介 必食古早味蛋糕/爆餡吐司/隱世漢堡/雞粥/咖啡 😍😍😍

元朗向來多美食,記者精選10大必食美食,有古早味蛋糕、台灣菜、漢堡店、日式小店、馳名雞粥等,全部都超人氣、性價比又高。其中有幾間更是隱世小店,真係區內人先最熟悉!按下圖即睇有邊間你食過👇👇👇

區內人氣日式小店@旮旯

旮旯是記者私心推介的日式小店,由西九龍中心搬入元朗後一直都深受街坊歡!雖然麥提莎糯米糍非常出名,不過記者最愛是抹茶卷蛋及日式葛餅,抹茶味葛餅不會太甜,抹茶味香濃,但記者建議最好就堂食,因為堂食會有碟仔,不會被煉奶弄髒衣服!👇👇👇 記者最愛抹茶葛餅!按下圖即睇有幾正 👇👇👇

+1

想知仲有邊間推介,立即點擊內文👉👉元朗10大美食推介 必食古早味蛋糕/爆餡吐司/隱世漢堡/雞粥/咖啡