煲仔飯6間特色推介 榮記$68煲仔沙爹牛麵 必試自煉豬油撈飯

撰文:
最後更新日期:

踏入秋季天氣不穩定,明日(6日)冷鋒襲港,隨後受東北季候風影響,天氣開始轉涼。氣溫驟降,又到食煲仔飯的季節。《香港01》飲食記者精選Top 6特色煲仔飯,最平$68起,包括玩創意榮記茶餐室及紹華小廚、特色辣味的味仟食店、自煉豬油的江湖小棧等。

【1】新推出沙爹牛肉煲仔麵@榮記茶餐室

早排推出大熱沙爹煲仔麵就是榮記茶餐室,這間食店經常發揮創意來吸客,包括邪惡芝士午餐肉煲仔飯、真.火焰玫瑰肥牛飯、流浮山金蠔拼蝦乾飯等,早前更推出茶記名物沙爹牛肉煲仔麵,變著法子來吸客打卡!按下圖即睇邪惡芝士飯有幾拉絲、火焰玫瑰肥牛飯上桌時要加甚麼調味料👇👇

+4
+4
+4

榮記茶餐室

地址:慈雲山毓華里12號地下A-B舖

電話:2328 9232

營業時間:星期一至六 06:30 - 21:30

星期日 06:30 - 17:30

公眾假期 06:30 - 17:30

【2】街市隱世創新炭燒煲仔飯@紹華小廚

筲箕灣街坊名店紹華小廚,主打炭燒煲仔飯,荔茸肉碎煲仔飯、蒜香牛頸脊煲仔飯、野菌鵝肝煲仔飯都是熱門款式。睇落似芋泥雪糕球的荔茸肉碎煲仔飯,兩球質感綿密的芋泥球,加上炒香的肉碎、油香四溢的臘腸、膶腸,非常惹味!按下圖即睇牛頸脊飯有幾特別😋👇👇

紹華小廚

地址:筲箕灣愛秩序灣道15號愛秩序灣街市熟食中心CF3店

電話:8199 8188

營業時間:星期一至日 07:00 - 22:30

【3】煲仔飯只限早午市時段@永合成馳名煲仔飯

西環永合成馳名煲仔飯只做早午市時段,大家不要「傻傻更」夜晚去食呀!招牌煲仔飯是窩蛋牛肉飯,大量免治牛肉鋪面夠足料,中間加一個生雞蛋,將雞蛋與牛肉、米飯攪拌後,每一粒飯都充滿蛋液!幾點先有得食?食飯焦要加錢? 按圖睇食煲仔飯點避免中伏😎👇👇

永合成馳名煲仔飯

地址:西環石塘咀德輔道西360號地舖

電話:2850 5723

【4】米芝蓮推介煲仔飯名店@嚐囍煲仔小菜

又是西環名店!嚐囍煲仔小菜連續兩年獲米芝蓮推介,主打煲仔飯、中式點心。除了傳統的白鱔滑鷄、臘腸排骨等,仲有大玩fusion的日式鰻魚煲仔飯,價錢由$78起有交易。飯粒夠粒粒分明,不會過硬、飯焦香脆。煲仔飯非全日供應,按下圖即睇幾時有得食👇👇

+2
+2
+2

嚐囍煲仔小菜

地址:西環堅尼地城北街25號地下

電話:2819 6190

營業時間:星期一至日 06:00 - 16:00 18:00 - 06:00

【5】即叫即製毛家辣炭火煲仔飯@味仟食店

不要睇味仟食店裝修簡陋,其實是元朗的長龍煲仔飯小店!味仟主打即叫即製炭爐煲仔飯,可以單拼,亦可以自由搭配!毛家辣系列煲仔飯最有人氣,包括咸蛋肉餅煲仔飯,淡淡辣味的肉餅,加上蒜頭、辣椒調味!按下圖即睇煲仔飯飯焦有幾正👇👇

+3
+3
+3

味仟食店

地址:元朗安興街40號地下

電話:2449 3962

【6】必落自煉豬油提升香味@江湖小棧

江湖小棧以「武俠」為主題,主打自煉豬油煲仔飯,可以自由配搭不同煲仔飯配料,例如牛肉、臘肉、臘腸、滑雞、肉餅、排骨、咸蛋和窩蛋等。自家製豬油提升煲仔飯的香味,令煲仔飯口感更滑更香!想知最正的食法是甚麼?按下圖即睇飯焦有幾大片👇👇

+3
+3
+3

江湖小棧

地址:荃灣鱟地坊30號寶成大厦1號地舖

電話:2399 7994

營業時間:星期一至日 18:00 - 00:00

想知更多有助放鬆心情嘅香港好去處,例如離島、沙灘、單車、郊遊路線,click 入專頁睇更多推介!👉👉👉香港好去處|假日郊遊、離島放空、單車路線、食玩打卡|不斷更新

😋😋😋 同場加映: 元朗至上水單車徑開通 1日遊7大景點睇日落 必試30cm高紅豆冰山 😋😋😋

元朗至上水單車徑早前正式開通!單車徑途徑元朗錦田河、上水塱原濕地等,沿途風景優美。由上水出發踩至元朗,記者規劃一日遊7大好去處,包括50多年歷史的上水廣成冰室必試招牌紅豆冰、厚蛋治,到錦田河可以又睇日落!按下圖即睇7大食玩好去處👇👇

50年老字號冰室必食厚蛋治@廣成冰室

鍾情懷舊冰室美食的朋友,一定要試廣成冰室「三大名物」—— 紅豆冰山、超厚蛋治、菠蘿油!童年必飲的紅豆冰有甚麼特別?這裏的紅豆冰是用刨冰取代碎冰製成,睇落好似成座「冰山」一樣!想知30cm高的紅豆冰山有幾吸睛,按下圖即睇😍😍

想知仲有邊間美食,立即點擊內文👉👉元朗至上水單車徑開通 1日遊7大景點睇日落 必試30cm高紅豆冰山



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。