基層家庭特徵｜香港不少市民出身基層，靠自身努力爭上游，但在公共屋邨、套房、劏房、天台屋或板間房等生活瑣事，長大後記憶猶在，例如食飯、飲湯、蒸魚會用不銹鋼碟實而不華，一屋總是雜物多多、買完飯會留低膠盒重用……網民曾討論基層家庭的生活小片段，引起不少人共鳴，你有類似經歷嗎？

👉follow 好食玩飛ig ✈️免費睇旅遊飲食攻略

網民曾在討論區以「一人一個窮人家庭特徵」為題展開討論，分享小時候父母為了慳錢，施展渾身解數縮減開支。細細個見父母將膠樽、膠盒循環再用不捨掉。有些家庭不會買飯枱，用一張摺枱作多功能使用，書枱變飯枱；或者用麻雀枱當飯枱，尤其屋企空間細，好多時也這樣做。

按圖睇睇網民共鳴👇👇

討論中不少基層家庭較多用不銹鋼碟，因為不會打爛、輕身兼傳熱快，蒸魚、蒸蛋、裝餸、食飯都用不銹鋼器皿，如果用厚身陶瓷碟蒸魚可能要蒸多幾分鐘先熟，而且陶瓷碟一不小心很容易摔破，而不銹鋼碟實而不華及很好用，獲不少人認同。

5大基層家庭生活方式

【1】蒸魚用不銹鋼碟

食飯時枱面鋪報紙，用不銹鋼碟蒸魚，被認為是「公屋標記」之一。不過有網民反駁只因貪方便，用報紙容易包起食剩的骨頭，而不銹鋼碟「傳熱快、又輕身」。相反用厚身陶瓷碟蒸魚就要蒸多幾分鐘先熟，用陶瓷碟亦都容易跌爛。

【2】膠樽循環再用

「用完嘅膠樽會留低再用」，用到盡毫不浪費，化身成環保先鋒！有網民仲話會收集膠樽，再循環再用裝涼茶飲！但有網民反駁重用膠樽有風險，膠樽可能會釋放有毒物質

【3】麻雀枱一秒變飯枱

不少網民聲稱細個沒有專用的飯枱，有家庭會直接用麻雀枱當成飯枱，一物二用，食完飯即刻拎走鋪底的報紙，又可以繼續打牌。有網民仲話做功課的專用摺枱都會被「徵用」來食飯，非常慘情。亦有網民表示童年必備的乘數表功課枱，依家竟然仲未掉，用來當作茶几，果然夠晒慳！

【4】鐵盒收藏家

唔係得老人家先會化身做鐵盒收藏家，網民指自己屋企都堆積好多月餅盒、曲奇餅乾罐、紙盒、紙皮箱等，其實並沒有甚麼特別用途，但屋企人總會留定先，堆埋堆埋就有好多個盒用來裝廢物......極度佔位！

【5】外賣盒瘋狂重用

連食完外賣嘅膠盒都會留低再翻用！有網民指屋企人會將外賣用、可放入微波爐的透明膠盒循環再用，不過咁做可能對健康有害。

按圖看網民意見▼▼

👉follow 好食玩飛ig ✈️免費睇旅遊飲食攻略