荃灣美食|韓國人主理韓食外賣新店!醬油蟹/招牌炸雞/手工泡菜

撰文:西米Lu
出版:更新:

【荃灣美食】荃灣新開韓式小食外賣店「Yellow kooCoo」,主打8款不同口味的韓式炸雞、紫菜飯卷、韓式炒粉絲、辣炒年糕、醬油蟹等人氣韓國美食,店內更可以買到泡菜、醃製五花肉等急凍食品,最適合買回家一邊食、一邊煲劇!

荃灣新開韓式小食外賣店「Yellow kooCoo」由韓國老闆主理,提供多款韓國人氣美食,其中招牌韓式炸雞選用本地新鮮雞,有多達8款不同口味(可選有骨或無骨):包括原味炸雞、雪霜芝士炸雞、香辣炸雞、蒜香醬油炸雞、秘製微辣蛋黃醬炸雞、洋蔥忌廉炸雞等,價錢最平$40/份。

除了韓式炸雞,當然不少得辣炒年糕、海鮮煎餅、紫菜飯卷、韓式炒粉絲等常見韓國小食。飲料方面,去韓國汗蒸幕時一定會喝的傳統甜米露都有!如果午餐時間想食得飽肚一點,店內亦提供烤牛肉拌飯、安東燉雞蓋飯等韓式便當。

+2

店內設急凍食品櫃,售賣自家製韓式醃肉(烤牛肉、五花肉等)及醬油蟹,另有韓式泡菜、拌紫蘇葉、鹽漬八爪魚等韓式地道前菜。

Yellow kooCoo
地址:荃灣眾安街68號荃灣千色匯1期地下G025號舖
營業時間:星期一至星期日上午10時至下午9時

同場加映:荃灣美食必試最強10大!

荃灣一向是美食天堂,選擇多到數不完!今次一於等自小在荃灣蒲開的記者為大家精選10間高質美食,包括超鬆軟厚梳乎厘、近期人氣藥膳燒賣、爆餡芋泥吐司、鮮甜沾麵、邪惡豬油撈煲仔飯等。下次去荃灣不妨參考一下地膽的推介,包你唔會中伏!

(文章內提及的食物款式、價格,以發稿日期為準,食店排名不分先後)

【1】小廚美食 —— 藥膳燒賣配秘製辣椒油

小店售賣多種小食,必試藥膳燒賣,散發著淡淡的藥材香味,豬肉餡十分彈牙,最緊要記得向老闆娘要求加辣椒油。辣椒油為老闆娘使用獨家配方秘製,不會嗆辣,麻勁較重,當中還有脆粒增加整體口感。

😍😍😍想知小店點去、藥膳燒賣幾錢、另一款必試美食,立即按圖睇睇😍😍😍

+5

小廚美食
地址:荃灣西樓角路202-216號荃昌中心昌寧商場1樓5A號舖
營業時間:星期一至六 11:30-19:30

【2】Aroma Dessert —— 招牌超鬆軟厚梳乎厘

小店供應多款甜品,當中最受歡迎的就是梳乎厘班戟,共有幾種口味,包括焦糖蘋果、士多啤梨、海鹽芝士等。梳乎厘班戟介乎空氣與厚實之間,蛋香味濃,口感非常鬆軟,而且濕度掌握得十分好,味道非常不錯,加上價錢親民,絕對抵食過其他著名梳乎厘班戟店。

😍😍😍想知梳乎厘幾錢、用餐貼士,立即按圖睇睇😍😍😍

Aroma Dessert
地址:荃灣鱟地坊38-46號祐強樓地下42號舖
營業時間:星期二至四13:00 - 18:00,19:00 - 23:00
星期五至日13:00 - 18:00,19:00 - 00:00
公眾假期12:00 - 20:00(星期一休息)

想知更多荃灣「地膽」推介美食,即睇全文:荃灣美食最強人氣10大 必食爆餡芋泥吐司、秘製辣椒油藥膳燒賣

發表評論...