港男食Omakase被師傅提點食法感不滿:關你咩事!網民反應兩極

撰文:草莓泡芙
出版:更新:

【Omakase】品嘗日式廚師發辦(Omakase)成為近年的飲食潮流之一,而正確的進食壽司方式和禮儀,一直以來都有不少討論,講求師傅手藝的Omakase更是如此!近日,有網民在討論區分享一次在日本料理餐廳品嘗Omakase的經歷,稱當時被餐廳師傅提點食法,雙方更發生爭執引致不快收場。帖文隨即引來大量網民討論,反應兩極,即睇事件經過!

(圖片來源:Unsplash)

近日,有網民在連登討論區發帖指,因為女朋友生日的關係,兩人決定前往一間日式餐廳品嘗Omakase。餐廳供應的Omakase套餐有軍艦壽司、手握壽司、味增湯等。事主表至,用餐前已知道Omakase套餐菜式全由師傅安排,不能自行點單,雖然感到些許不適應,但用餐初時並沒有特別事情發生,直至壽司師傅送上手握壽司時,就發生了一件不愉快事件。

(圖片來源:Unsplash)

事主續稱,當壽司師傅送上拖羅手握壽司時,事主按照自己一貫習慣開始進食:「 好似平時咁夾起塊魚生點豉油再擺返落舊飯食」,此時壽司師傅出言提點,表示壽司的正確食法,應該要連同壽司飯夾起,再蘸豉油。

聽到壽司師傅的提醒後,事主感到不滿,認為「我鍾意點食就點食,關你咩事,而家我畀錢定你畀錢啊?」,雙方開始發生爭執,壽司師傅隨即表示「唔做你生意!」雙方續爭持不下,最後事主指自己「無比錢走咗囉」。

(圖片來源:Unsplash)

事後,事主在討論區發文大呻不快經歷,並表示「咁樣收我千幾蚊」,又指師傅「以為自己好巴閉,抵佢做死一世廚房」。帖文一出引來大量網民加入討論事件,以及進食壽司的正確禮儀。

不少網民認為事主措辭較偏激,認為職業無分貴賤,而且品嘗壽司時應採用相應的進食禮儀:「正宗食法會咁要求,因為醋飯已經調較好味道,破壞醋飯同配料個平衡,搞到舊飯味道太重食唔出食材味道」、「捏飯係一件好食嘅壽司非常重要嘅一環,理解師傅嘅心機被糟蹋嘅感受」,亦有網民認為事主在餐廳與師傅爭執的行為,反而會令女朋友覺得「冇面」。

另一方面,有網民則認同事主的看法:「真係頂唔順呢啲香港師傅最中意加一句『識食就一定係咁食』,暗地裡話個客唔識食」、「根本每個人口味唔同」、「我都幾憎呢種師傅,成日懶係講究扮晒為客著想」,也有網民認為師傅向客人表示「唔做你生意」的舉動,在待客之道方面有所保留。大家又有甚麼看法?

詳細原文:

(圖片來源:連登討論區)
你可能感興趣