日清香港4月加價!合味道紀念館超抵優惠 杯麵/出前一丁最平$2/個

撰文:草莓泡芙
出版:更新:

【日清食品|飲食優惠】香港日清食品宣布4月起加價!由於食材及原材料等成本上漲,香港日清食品旗下陪伴港人多年的出前一丁、合味道杯麵及UFO炒麵,4月份起統統都要加價,其中出前一丁更是14年來首次調整價格。想趁加價前入定存貨,由即日起香港合味道紀念館推出激抵優惠,超過80款食品都有減價,最平$2起,記得把握機會掃貨喇!

(圖片來源:日清食品)

香港日清食品昨日(22日)宣布,因應食材、原材料及物流成本持續上漲,決定由2022年4月1日起,旗下部分皇牌產品的香港本地出廠價將會上調,意味著日後或需要以更高價格購買日清袋裝及杯裝麵食。

(圖片來源:日清食品)

今次日清食品加價,受影響的產品包括日清旗下皇牌產品「出前一丁系列」、「合味道系列」及「U.F.O.系列」。其中,日清香港出前一丁系列上次加價為2008年,為14年來再度調整價格;合味道對上一次調整價格則為2019年。

日清宣布4月加價,而香港日清合味道紀念館則推出逢星期五「日清Friday BUY & TRY」優惠,超過80款食品都有減價,包括出前一丁(日版及港版)、合味道杯麵、U.F.O.杯麵、棒烏冬等,最平只需$2/個!另有出前一丁原箱優惠,可以趁加價前以優惠價入手做儲糧!

(圖片來源:日清食品)

由3月11日起,香港日清合味道紀念館推出逢星期五「日清Friday BUY & TRY」優惠,包括必買儲糧首選原箱出前一丁麻油味,一箱有30個,現可以優惠價$90/箱入手(原價$112/箱),平均只需$3/個!

(圖片來源:日清食品)

除了原箱出前一丁優惠,更可以優惠價買到多達80款食品,包括日本版出前一丁麻油味、出前一丁棒烏冬、合味道杯麵、U.F.O.炒麵、日式即食意粉、零食、穀物片、即食糖水等,其中辣雞味炒麵每包減至$10/5個,平均$2/個,非常抵買!

+4

官方網站每個星期都會更新「日清Friday BUY & TRY」優惠,有興趣的朋友可以留意最新消息及優惠詳情。

合味道紀念館「日清Friday BUY & TRY」
地址:尖沙咀廣東道33號中港城2座樓26-35號
推廣日期:3月11日起逢星期五
營業時間:11:15-19:15

你可能感興趣