大埔美食｜街市隱世Cafe平民法國菜！黑松露炒蛋牛角包/油封鴨腿

【大埔美食】大埔屋邨街市新開一間法式Cafe，由前五星酒店總廚主理，以親民價錢就歎到精緻法國菜！主打菜式包括法式油封鴨腿、白酒忌廉燴雞，網民更大力推薦必試黑松露炒蛋牛角包。

大埔大元邨屋邨街市近日新開一間簡約風Cafe，設有落地大玻璃窗，環境舒適，店主更是大有來頭，曾任職多間酒店及法國餐廳，更曾擔任過五星酒店總廚！

除了提供All day breakfast等常見Cafe菜式外，店舖主打多款法式料理，如法式油封鴨腿、白酒忌廉燴雞等，以親民價錢就可以品嘗到精緻法國菜。

圖片授權：Instagram@elaine.eat

推介菜式包括法式白酒忌廉燴雞，鮮嫩雞肉加上薯仔、紅蘿蔔及煙肉等配料，再配上濃郁而且充滿酒香的白酒忌廉汁，入口creamy，不論配飯或法包都不錯。

另一款主打菜式法式油封鴨腿，鴨腿肉軟腍而且帶有鹹香，面層沾滿楓糖芥末醬，而鴨腿下面就有以牛油發酵期間產生的白脫牛奶（Buttermilk）整成的窩夫，甜酸鹹三種味道絕配。

不少網民亦都大力推介黑松露醬炒蛋牛角包，酥脆牛角包中間夾滿炒蛋，面層更有原粒黑松露刨片，黑松露香氣非常突出。

至於全日早餐就有水煮蛋配炒菠菜、班尼迪克蛋Egg Benedict等選擇，每款都並不馬虎，而且店內亦有多款精緻甜品，如朱古力香蕉蛋糕、芝士蛋糕等，更會定期推出不同款式！

Goldy Cafe

地址：大埔汀角路10號大元街市地下412及416號舖
營業時間：09:00 - 20:00