荃灣美食｜炸髀名店新推豬扒西多士！原隻炸豬+煉奶+芝士餡

【荃灣美食】荃灣一間炸髀名店推出最近新推全新菜式——豬扒西多士，將炸豬扒及西多士兩樣邪惡美食結合，味道鹹甜交雜，十分邪惡，豬扒及西多士粉絲不可錯過！

（和順記IG圖片）

和順記主打茶記美食，當中即叫即炸的「神級雞髀王」是必食招牌菜式，不但醃得入味，而且份量比手掌更大，吸引不少人專程前往一嚐。在油麻地開業短短數年便相繼在天后、長沙灣、荃灣開新店，人氣極旺！

最近位於荃灣的和順記分店推出新菜式「豬扒西多士」，將兩大邪惡美食結合，惹味豬扒放在西多士上炸，可選擇淋上煉奶或蜜糖漿，加上新鮮沙律菜。西多士可選擇花生醬口味之餘，亦可選芝士口味，味道鹹甜交雜，超邪惡！

除了神級雞髀王及豬扒西多士外，和順記亦有供應多款茶記美食，不時便會推出新菜式，包括巨型吉列豬扒、炸雞髀飯、鹵雞髀飯、吉列豬扒三文治等等，當中芝士焗炸燒賣魚蛋飯更是創意焗飯之選！

豬扒西多士供應時間：每日下午茶時段（14:30-18:00）限量供應
地點：新界荃灣路德圍2-6號海壩街77-81號荃運樓二期地下A1鋪
外賣自取電話：26131164