記者實試南記芫荽蓉米線+沼澤色系芫荽可樂 到底係荽味定伏味濃

南記粉麵今次推出「芫荽蓉湯底米線」，湯底中加入大量芫荽蓉以及多款配料，青綠色賣相嚇親不少人，加上首創芫荽底可樂，上層鋪滿芫荽蓉，視覺效果猶如沼澤，引來不少眼球關注，各位芫荽迷又有冇興趣一試？《好食玩飛》記者親身試食，口感味道實在需要撰文描述。

南記新出芫荽蓉湯底米線+首創芫荽可樂！配芫荽豬肉丸/豬扒/皮蛋

芫荽美食近年愈來愈多，有不少芫荽美食意外跑出，亦有不少芫荽美食伏到猶如過街老鼠，今次南記粉麵居然加入「芫荽戰團」，推出全新「芫荽蓉湯底米線」，在秘製湯底內加入大量芫荽蓉，翠綠色的湯底再加入皇牌炸豬扒、芫荽豬肉丸、皮蛋及炸豆卜等惹味配料，單論視覺效果已經「荽」味濃！

《好食玩飛》記者親身實試芫荽蓉湯底米線，湯底以南記招牌魚湯為基底，添加相當份量的芫荽蓉調味，讓奶白色湯底轉變成濃濃綠色，目測湯底似沼澤，實在不算開胃，不過在記者還未脫口罩，陣陣芫荽味便已經撲鼻而來，頓時讓作為「荽」迷的記者相當興奮！食入口亦無讓記者失望，口中爆發出濃郁荽味，是近期值得推薦的芫荽美食之一。

套餐配菜方面，一大塊南記招牌炸豬扒放在面頭，在這個堪稱「獵奇」的新套餐中，只能講缺乏新意，不過這塊炸豬扒作為南記配菜界的靈魂支柱，繼續提供南記粉絲熟悉的味道，就好似一支定心神針般，至少味道有保證。配菜還有豆卜和皮蛋，在視覺還是味覺方面，都帶出更加豐富的感覺。

值得一提全新推出的芫荽豬肉丸，豬肉丸口感油淋淋，相信落足肥肉，入面混雜了不少芫荽碎，讓口感變得更加豐富。雖然記者覺得湯底已經好夠「荽」味，但萬一大家覺得「荽」味未夠濃，其實可以用$3加購一份鮮芫荽，不過始終湯底芫荽會出眾是在於芫荽蓉味夠出，遠遠不是單純落芫荽能比較，不過勝在視覺效果取勝，打卡效果更好，順便可以嚇下對芫荽表示厭惡的朋友們。

另外，套餐跟送一杯南記首創的芫荽「可口可樂」，入面落足芫荽，有網民表示看起來「杰撻撻」，用記者形容就好似一大片青苔，冰塊不斷溶解時，變成綠色的可樂慢慢冒泡湧出杯蓋，畫面實在不堪入目。

大愛芫荽的記者飲落口，第一口還不覺得有特別，第二口才見真章，經過攪拌後的芫荽蓉與可口可樂結合，相當對記者口味，打嗝都會傳出陣陣芫荽味，相信「荽」迷都會好鍾意。不過有其他試食記者則認為芫荽味與甜味不合襯，直言不算太推介，大家飲用前抱著做好心理準備。

南記粉麵「芫荽蓉湯底米線套餐」
售價：港幣$53
銷售點：全線南記粉麵