荃灣AK威威勁敵！BEANS白淨青衣經理C 有樣唔靠樣、力Sell人情味
撰文：奶蓋弟弟
出版：更新：
「荃灣AK」威威全港爆紅，緊接而來有「賣魚MC」和「兩餸飯Ali」，連鎖Cafe BEANS乘勢發帖，話自己都有「青衣經理C」，樣貌清秀、粗眉白淨，網民大讚「靚仔過豬肉佬AK好多！」不過卻有樣唔靠樣，轉而Sell另外一樣嘢！
荃灣AK威威勁敵！BEANS白淨青衣經理C 有樣唔靠樣、力Sell人情味
連鎖Cafe BEANS緊接最近「荃灣AK」熱潮，BEAN即刻發帖指自己都有「青衣經理C」，於BEANS青衣分店擔任經理，年輕有為，而且青靚白淨，顏值直逼紅遍全港的「荃灣AK」和「賣魚MC」；加上「做嘢爽手快靚正，盡心盡力為青衣客人服務」，果然認真的男人最有魅力！
「青衣經理C」樣貌清秀、粗眉白淨，網民大讚「靚仔過豬肉佬AK好多！」（圖片來源：BEANS）
😆好食玩飛Instagram官方帳號開咗啦！請Follow我哋：https://bit.ly/38tlS4l
不過「青衣經理C」有樣唔靠樣，居然力sell人情味。按照BEANS的講法，其實樣貌是其次。無論高矮肥瘦、男女老幼，做飲食業，最緊要是友善又用心的服務及態度。
網民對BEANS今次發帖反應正面，對BEANS的服務作出回應，不過更多焦點卻落在粗眉白淨的「青衣經理C」身上。網民話「靚仔過豬肉佬AK好多！」、「來食飯可否和經理合照？」，甚至高呼「尖叫！」，要BEANS小編留言「唔好！嚇親同事㗎」先按壓得住春心蕩漾的網民們。相信未來應該有好多粉絲準備去朝聖，感受一下「青衣經理C」的「高水準服務」！
（圖片來源：BEANS）