日本燒肉放題牛太登陸馬鞍山！2小時任食和牛/海鮮午市$119起

召喚食肉獸！日本過江龍燒肉放題登陸馬鞍山，120分鐘可以任吃逾80款放題美食，歎到日本直送黑毛和牛，包括霜降和牛、上級腹胸扒、上級封門柳等。另外還有多款熟食、日本啤酒、甜品、日本進口雪糕等無限量供應，午市套餐低至$119起！

日本過江龍燒肉店「牛太 GYUTA」最近進駐馬鞍山！餐廳環境以日本江戶時代為主題，店內用上多個日本傳統祭典燈籠做裝飾，令人有種置身日本的感覺，好有氣氛！

好食玩飛Instagram官方帳號開咗啦！請Follow我哋：https://bit.ly/38tlS4l

牛太主打日式燒肉放題，店內的黑毛和牛全部由日本直送，120分鐘可以無限追加多達80款菜式，包括薄切赤身肉、壺漬果味牛肋肉、厚切牛舌、上級封門柳、上級腹胸扒、牛仔骨等。此外，更有炸雞、日本生啤、愛民芒果牛乳雪糕、抹茶蕨餅等熱食、飲品及甜品供應。

牛太的放題套餐設有4個價位，包括最豪華的87品「極上日本產黑毛和牛燒肉放題套餐」（星期一至四$899；星期五、六至日$929），供應如肉眼芯、座布團等珍貴和牛部位；另有79品「特上日本產黑毛和牛燒肉放題套餐」（星期一至四$629；星期五、六至日$659），歎到大虎蝦、廣島蠔等。

抵食之選有「日本產黑毛和牛燒肉放題套餐」（星期一至四$469；星期五、六至日$499），供應68款美食，包括上級牛肋肉、上級牛脊肉、鹽燒鮑魚及日本產帶子！

另外，餐廳供應定量午市套餐，有澳洲產上級牛肋肉燒肉定量套餐，牛豚雞三品燒肉定量套餐、日本產黑毛和牛上級燒肉定量套餐等，最平$119起就可以吃到，有興趣的朋友不妨一試啦！

地址：沙田馬鞍山鞍祿街18號新港城中心3樓3229-30號舖
電話：2425 0755
營業時間：星期一至四、日12:00-22:00；星期五至六及公眾假期12:00-22:30

日本過江龍燒肉放題登陸馬鞍山！2小時任食和牛/鮑魚 午市$119起