沙田日式燒肉放題4人同行1人免費！一連5日新店優惠　食足120分鐘

日式燒肉專門店牛太為慶祝沙田新分店開幕，將會推出多重新店優惠！日前，餐廳公布第1彈開幕優惠，凡惠顧指定燒肉放題套餐，4人同行就有1位可以免費歎燒肉放題，即睇開幕詳情及優惠詳情。

😆😆好食玩飛Instagram官方帳號開咗喇！請Follow我哋：https://bit.ly/38tlS4l

日式燒肉專門店牛太全新分店登陸沙田中心，並將會12月5日開幕！最近，餐廳公布第1彈開幕優惠，由12月5日至12月9日，凡惠顧120分鐘「特上日本產黑毛和牛燒肉放題套餐」或以上，於入座時向店員出示Facebook帖文及圖片，即可享有4人同行，1人免費優惠！

（圖片來源：日本黒毛和牛焼肉牛太 Japanese Wagyu Yakiniku GYUTA@Facebook）

如同行客人中有小朋友，使用以上優惠時餐廳將會免取一位成人收費，讓各位大人可以盡情歎燒肉！

日本過江龍燒肉店「牛太 GYUTA」首間店日前已經進駐馬鞍山！餐廳環境以日本江戶時代為主題，店內用上多個日本傳統祭典燈籠做裝飾，令人有種置身日本的感覺，好有氣氛！

開幕日期：2022年12月5日（星期一）
優惠日期：2022年12月5日至12月9日
地址：新界沙田沙田中心3樓50及57號舖
營業時間：星期日至四 12:00-22:00、星期五、六及公眾假期 12:00-22:30（星期一至五 15:00-17:00 稍作休息）