屯門良景逾30年茶記突宣布結業！學生哥回憶　必食沙嗲牛麵+奄列

屹立於屯門良景邨逾30載的祥景茶餐廳，向來有不少學生哥及老街坊幫襯，最近突然宣布將於4月結業，其沙嗲牛麵配奄列、菠蘿包等，更被喻為是「良景人必食」，是不少屯門人的集體回憶！

位於屯門良景商場的「祥景茶餐廳」，早於1989年開業，及後由地舖遷至樓上舖，至今已經有逾30載歷史，多年來主打各款抵食茶餐、小菜、粉麵等，向來都有不少學生、街坊捧場，部分人更是「由細食到佢大」，充滿回憶。不過，最近茶餐廳於門外張貼告示，宣布將於4月結業，告別一眾老街坊。

👉👉👉好食玩飛Instagram官方帳號開咗喇！請Follow我哋：https://bit.ly/38tlS4l

告貼指出茶餐廳將光榮結業，「因租約期滿，將於2023年4月23日正式結業，承蒙街坊多年盛情，惠顧叄拾餘載」。消息一出即引起大批街坊關注，有附近食客對餐廳結業大感不捨，「中學時代已經開始食佢」、「午餐諗唔到食乜就會祥景」。

（好食玩飛/香港01 攝）

不過提到餐廳茶餐，當以「沙嗲牛公仔麵配奄列」最為出名，更被喻為是「良景人必食」，其沙嗲牛肉醬汁濃郁，公仔麵質彈牙且入味，配上火腿奄列更是絕配。此外，其菠蘿包、蛋撻等同樣受歡迎。

然而，餐廳雖滿載情懷，但都有部分人認為餐廳食物質量不如以往，「雖然食咁多年係有感情，不過質素已經差到佢執我都唔覺得可惜」、「根本都無需可惜」；亦有網民認為「話明一通關就加租，一加加幾成唔執笠都唔得啦」，感覺唏噓，大家記得把握最後機會喇！

結業日期：4月23日
地址：屯門良景廣場L4樓L414A號舖
營業時間：06:30 - 22:30
電話：2455 2422