【集體回憶】太古城噴泉長期滲水被拆走　街坊不捨：細個每日去睇

太古城中心五樓有個大石頭水池，噴泉向水池中央的石球注水，每當石球注滿水就會塌下倒水；石球倒水時會發出巨響，而且每次倒水的方向都不同，時常吸引遊人圍觀。
這個噴泉早於90年代設置於商場，陪伴不少街坊成長。上月，因長期滲水而且無法補購替換零件，噴泉被拆走。有街坊嘆道：「噴泉係我嘅成長回憶。冇咗好可惜。」

太古地產：長期滲水，未能補購維修零件

這個位於太古城中心五樓名叫「禪宗清泉」，據太古地產回覆指，噴泉裝置由雕塑家Bernard Gitton設計，於90年代尾置於太古城中心5樓。

太古地產回覆查詢時指，由於該噴泉裝置有長期滲水的問題，需要經常維修，而當年負責設計此噴泉裝置、及為其供應物料的公司經已結業，以致未能補購此裝置的零件。太古地產明白不少居民及顧客均不捨，但由於噴泉的滲水問題日趨嚴重，他們需要將其移除。他們正研究該位置未來作何用途。

街坊：細個每日都去睇

「禪宗清泉」可謂陪著街坊長大，自小在太古城居住的方小姐說：「對我嚟講係成長記憶，以前細個每日都會去睇。」

每逢經過個噴泉，方小姐都會記起祖父仍在世的日子：「以前阿爺仲喺度，都會成日帶我落去睇。平日放假、夜晚落街食飯，一家大細經過就會睇，特登去睇都有。」她說，幼稚園和小學時，差不多每見到會去觀賞噴泉。長大後，方小姐在附近的咖啡店溫習時，依然會聽到噴泉附近傳來驚嘆聲：「以前喺嗰度做嘢，都會聽到啲小朋友睇到叫。」

點擊看其他噴泉裝置：

音樂噴泉愛好者：設計讓人近距離感受噴泉的震撼

音樂噴泉俱樂部Facebook專頁管理員Anson，過去一直記錄香港各處的音樂噴泉，對太古城的「禪宗清泉」一直留有深刻印象：「比起一般噴泉更加有趣，設計非常精準，倒水嘅時候從來都唔會彈到客人，又會發出好似有石頭流落嚟嘅聲音，可以近距離感受噴泉帶嚟嘅震撼。」

他曾於2年前撰寫關於「禪宗清泉」的Facebook貼文，當時已有預感它「命不久矣」：「因為細個去太古城中心，原本係有3個噴水池，到中學嘅時候已經得返兩個，後來再去已經得返1個（即「禪宗清泉」）。當時已經有好大嘅預感10年來會拆，冇諗過會咁快。」

噴泉是商場標誌：冇咗就同普通商場冇分別

Anson說，現在的商場店舖千篇一律，噴泉反而讓人留下深刻印象；而且，噴泉能為商場帶來生氣，有別於一般裝飾品：「𠵱種設計嘅噴泉喺香港真係好少見。之前去睇嘅時候，都會見經過嘅人刻意停低睇。」

街坊方小姐也指，雖然一次又一次站著觀賞噴泉似是無聊，但是噴泉也為這區的街坊留下回憶：「冇咗之後，而家就會似一個好普通嘅商場。因為好多商場都唔會有𠵱啲裝置。𠵱個噴泉會令人聯想起，太古城就係有個咁得意裝置嘅地方。」