三傻煮餸，中式定西式？其實係自由式！中與西，都係習慣累積而成的印象。我們的目標十分簡單，煮給家人朋友享用，好味道，食客開懷，中式定係西式？管它！Jeffrey今次是亂來，不是他慣常風格。他是 IT達人，辦事十級安全，試到 OK才會拿出來見人。今次煮一味五菌螺絲粉，好似占少咁，憑直覺與味覺，覺得超市野菌多，集齊五種，切碎炒香，一定得。他說出這個十分爛的 idea，奇怪的是，我和Jim兩個經常窒頭窒勢既中佬，竟然覺得 Jeffrey條橋 OK，好鬼安全。

今次主題是菇菇。我們都有個問題很頭痕：菇，洗不洗？

有說，菇愈洗愈出水，不必洗！有說，菇也有污染，怎可以不洗！？Jim是不洗派，說，只要耕作乾淨，抹一抹，即可炒熟進食！但問題是，你如何保證耕作乾淨。Jim 太太Amy投訴，係啦，佢唔洗，咪搞到我肚痛囉！！！

言歸正傳，Jeffrey走安全路線，把五種菇菇洗乾淨，加蒜片、黑椒、海鹽、牛油，炒香。但，五菌出水，水浸五菇， Jeffrey加生粉收水，這是十分中式的做法。另一邊，他用傳統意粉煮法，加油加鹽煮熟螺絲粉，貪螺絲接觸面多，可以吸收多一點的五菌精華。

一般西式 pasta， portion較少，一小撮意大利粉，駐足於精美瓷碟，再加香草，西式美食就在眼前。 Jeffrey今次有點像婚宴最後的炒飯與伊麵，做出一份填肚的主食，不中不西，五菌香菇，有如中菜，舖在 pasta之上，而且長方形的器皿，令賣相有如龍鳳大茶樓的福建炒河。大家吃 Jeffrey的五菌 pasta，覺得十分美味，但腦海不能定位，中式定係西式？但，好吃得體，何須分中西。

（本文純屬作者意見，不代表香港01立場。）