女友搭九巴離開！男友不捨拍車身道別惹車長報警　網民睇片錯重點

情侶愛得難離難捨，但道別時也別太激動。有港男在網上表示，乘搭九巴期間，見到1名女生上車，對方男友拍巴士車身向女友道別，「可能係好掛住女朋友，所以拍得幾大力」，導致車長下車報警，女友都要下車，雙方立即重聚。

港男上載影片作證，拉近鏡頭拍攝女生與車長情況，但卻配上詭異聲效，許多網民留言指「條片嘅特效仲尷尬過單嘢」、「做乜背景加呢啲聲」、「睇到搲晒頭」。

女生和車長站在車頭位置。（Threads影片截圖）

男友大力拍打巴士車門　車長報警

樓主在Threads表示，乘搭九巴時見到1名女生上車，對方男友「拍咗架車一下，同女朋友講拜拜」，但力度頗大，車長認為涉及刑事毀壞，於是下車報警處理，女友繼而下車，小情侶隨即重聚。

影片現詭異聲效　網民錯重點︰個背景音樂係咩事？

樓主同時上載影片，可見女子與車長站在車頭，有1名相信和事件無關的男子正在上車，而樓主在影片中加上詭異聲效，令到大量網民留言指「睇唔明咩事」、「仲以為有聲，點知一開個背景音樂…」、「個背景音樂係咩事？」。

（Threads）