用APP叫八五折的士 乘客問一問題遭司機爆粗狂鬧 網民意見兩極

撰文:安祖娜
出版:更新:

的士司機與乘客爭拗事件不時發生,近日網上流傳帖文,有乘客指清晨以電話程式叫車,到達目的地後詢問司機1句「係唔係已經85折咗㗎喇?」,以確認車費金額,沒料司機聞言情緒失控,對她「爆粗」狂罵,雙方不歡而散。事件引來網民討論,有人認為事主乘車理應按錶付款,「搭85折的預咗服務都打85折」;但亦有人認為司機接單時已代表同意給予車費折扣,收錢時才向乘客發泄非常缺德,「接得order就你情我願,冇理由要俾你鬧」。

網上流傳帖文,有乘客指清晨以電話程式叫的士,到達目的地後詢問司機1句「係唔係已經85折咗㗎喇?」,沒料司機聞言情緒失控,對她「爆粗」狂罵,雙方不歡而散。(fb「的士司機資訊網 Taxi」圖片)

有女乘客於facebook發文,指昨日(21日)清晨6時許以手機程式叫的士,從大埔翠屏花園前往坪石邨,車程途中一直相安無事。到達目的地後,她問了司機一句「係唔係已經85折咗㗎喇?」,強調當時語氣保持禮貌,「我通宵完真係冇自己計」,只希望確認車費金額。

沒料司機聞言竟突然情緒失控,「呢個癲佬司機就態度好差咁叫我自己計」,更「爆粗」向她破口大罵,「係咁鬧我死窮X,冇錢唔好搭的士,句句臭X前臭X後」。女乘客指當時正取錢繳付車費,司機看到又不停喝罵及催促她,「我由問完嗰一句問題開始就不停俾佢用粗口鬧」。

女乘客以手機程式叫的士,到達目的地後,她問了司機一句「係唔係已經85折咗㗎喇?」,強調當時語氣保持禮貌,沒料司機聞言竟突然情緒失控,「爆粗」向她破口大罵。(fb「的士司機資訊網 Taxi」圖片)

直至對方找續後,她忍無可忍開聲回罵,「真係癲佬一樣,佢句句都係極侮辱女性嘅說話」,並以電話拍下相片及數秒長的影片,以便之後投訴,「呢啲的士司機有精神病應該接受治療,唔適合揸車」。

她事後表示,身為乘客有權確認車資,又指因以程式叫車,只希望確認是否有車費折扣,「我真係只係問咗一句問題,點解要俾人侮辱?我畀足應該要畀嘅車資,咩叫窮X冇錢唔好學人搭的士?呢啲就係今時今日香港優質嘅的士服務」。她續指,面對司機的違規行為,乘客根本投訴無門,「就算想投訴都冇用,運輸署所講投訴表格都係出封勸喻信,但呢啲司機就完全冇機制監管,作為乘客又可以點?」。

帖文一出引來熱烈討論,網民意見兩極,有人同情樓主,狠批涉事司機態度惡劣,不應以乘客發泄,向乘客粗言穢語更或已違反法例第374D章 《道路交通(公共服務車輛)規例》中,對司機操守的規定,建議她向運輸署投訴,「講真個司機唔想做平台,join嚟接單又要鬧人,個客錯喺邊」、「85折是你情我願,接得就唔好發脾氣」、「食得鹹魚抵得渴,又要做折,又要玩乘客」。

不過也有網民指出,事件癥結在於車費折扣,認為只要按錶收費便能減少爭拗,「講真冇錢真係唔好搭的士喎,你叫得85折的士,就85折服務㗎啦」、「真係唔撐你!下次自己計定先好上車嘛」、「你要85折又有又千足金嘅服務,你話有冇可能唔嘈交?一分錢一分貨、大家都明白這句說話」。但也有人明言,「正價定85的都好,我不嬲唔會對啲司機嘅態度有咩期望」。