【胡說八道】李施嬅澄清自己無公主病  姚子羚指好姊妹間會互寸

撰文:張嘉敏
出版:更新:
姚子羚表示姊妹間有咩不滿會直接講。(黃國立攝)

身為「胡說八道會」成員之一的李施嬅曾被另一好姊妹姚子羚指她似公主,對此施嬅坦言她們全部姊妹都覺得她是公主:「個個都話我係公主,但是我要澄清我係無病的,好健康,絕對無公主病。她們說我是公主是因為我外表比較女仔些,又比較注重生活享受,對生活有要求,例如去餐廳食飯、去旅行同去玩等等都講求質素,同埋有一次我dress up咗個look有些似公主。她們話我似公主,我都有些擔心會嚇親男仔,所以我要澄清一下,我完全係可以自己照顧自己,好獨立,可以自力更生嘅。只不過係捨得花錢,會善待自己,我認為花得愈多就會賺得愈多,有些錢是應該畀人賺嘅,花得值得。其實我們『胡說八道會』入面無一個是嬌生慣養的,大家千萬唔好誤會。」

李施嬅擔心男士們會誤會她有公主病。(黃國立攝)

至於遇到感情問題可會跟這個閨蜜團的好姊妹傾訴?施嬅表示:「我好少講感情煩惱,唔鍾意麻煩人,盡量都自己解決,想畀正能量她們,唔想拉沉大家。如果真係頂唔順先會問她們意見,跟她們個個都會私底下去傾,唔同人有唔同嘅嘢叻,會有唔同意見。我同子羚住得近,比較多些見面和約食飯。」

而子羚遇到感情問題則會找這班好姊妹傾訴,她同樣表示因與施嬅住得最近,所以最常跟對方傾心事:「施嬅會給我好多正能量,有時會叫我唔好咁硬頸啦。」她們6個好姊妹出名感情好,咁其實有無試過鬧交呢?子羚說:「鬧交又真係無試過,但有時都會互相有些不滿,例如有些人好慢出門口搞好耐先出到,遲到呀,我們大家都會寸下大家,做姊妹唔會計較咁多,有咩都會直接講。」

「胡說八道會」預告這個旅遊節目將會有第二輯。(黃國立攝)
+9