【國際小姐】王詠珩先係美貌與智慧並重 讚雷莊𠒇處理負評夠大方
近年TVB選完港姐後都會有不少批評聲音，今年奪冠的雷莊𠒇 更被網友鬧到體無完膚，反而令到今年11月準備到東京參加國際小姐的港區代表王詠珩（Wing）亦意外被起底，今年23歲嘅Wing5呎8吋，仲高過今屆冠軍雷莊𠒇 。與Sofia嘅開朗個性截然不同嘅王詠珩（Wing），性格談吐都是比較文靜優雅，廣東話超流利，係真正嘅「港女」。直言無乜自信心嘅佢都話完全無諗過會參加選美，「其實我一係台上就會怯場，我隻手都會不自然咁震嘅嗰種人。雖然細嗰嘅時候，好多auntie uncle都有叫我參加港姐，但細嗰覺得港姐要著bikini，我就覺得好怕醜，所以就無特別諗過去選。」
攝影：黃國立
場地：Kiz Royal
講到王詠珩(Wing)今次在國際小姐比賽中雖然代表香港，但風頭似乎被澳門代表麥嘉欣（Sofia）搶去不少，Wing直言與對方感情太好，不會因外界的流言蜚語影響她們。問到今年港姐冠軍的雷莊𠒇罵聲四起，Wing透露都有睇過報導，「我覺得佢現在嘅處理方法更加大方得體，所以我諗負評開始慢慢減退。」
Wing重申一次自己雖然無參加港姐，但同樣都是代表香港走向國際，覺得係一個好機會見識外面嘅世界。與出身選美世家嘅Sofia不同，Wing就直言是受曾參加上屆國際先生嘅朋友影響而參選，「自己都無預料到會參加選美,因為有朋友參加國際先生，佢就遞了我張相俾比賽總監，之後就問我有無興趣參加。聽到之後當然有即刻上網search下係咩一回事，睇完資料都覺得幾有趣，所以就咁參加。」
而男友亦非常支持她的決定，Wing在訪問中笑言對方不是傳媒所講的金融才俊，「佢會同我講唔好再講我咁多嘢喇。（有壓力？）佢會覺得點解我會呀有咁嘅稱號，我真係唔係呀，承受唔起呀！但都OK嘅，好哈彩大家都好鍚住我，無論評論同報導都係好正面。」
但最估唔到Wing原來同今屆港姐獲「友誼小姐」嘅張寶欣原來係好姊妹，「其實我地好細嗰係因為有共同朋友而認識，識落之後又好啱傾，之後仲識埋佢家姐張寶兒，而且之後去到英國讀書都有去佢屋企玩。」一位參加港姐，一位就參加國際小姐，如果稍為有點妒忌都會互相眼紅，但呢嗰情況就無在她們身上發生，Wing說，「我地都知道大家參加唔同嘅比賽，反而會互相鼓勵，上個星期我都有係網上投票俾佢，而佢都有叫我加油。」講到張寶欣已經參選完港姐，可以說是鬆一口氣，Wing亦指沒有特別向對方偷師，「因為我地都知道訓練嘅過程大家都好忙，佢返而會問我幾時正式比賽，仲話想過東京支持我。但我同佢講，我吾可以黎見你架，只可以係lobby見你！」