【星光薈萃頒獎】宣萱奪最佳女主角：仲拍劇因為我真係好鍾意做戲
撰文：黃梓恒
出版：更新：
Mall姐強勢登場！（電視畫面）
好喇，終於去到尾聲要頒「最喜愛TVB女主角」，今年《TVB 馬來西亞星光薈萃頒獎典禮》由宣萱、李佳芯和胡定欣去爭這個獎，以為不會再爭獎的宣萱亦有出現，論資力論演技論角色，今次有出現其實都好大機會。李佳芯在《星和》打贏胡定欣，而且一直在觀眾心中的口碑極佳，亦是TVB力捧的對象，所以今次亦是大熱門，相反比較看淡的就是胡定欣。
今次胡定欣著得好性感喎，怕唔怕呀？
結果係由宣萱奪得大馬視后寶座，果然係有嚟就有獎攞！不過佢絕對值得，她說：「多謝大家我好耐無上過台拎獎，我上一次係1999年喺香港（獎項是「本年度我最喜愛女主角」）。離開公司5年，第一套劇就係《不懂撒嬌的女人》，我入行25年，到今日仲拍劇，係因為我真係好鍾意做戲，另一個原因我好enjoy成個過程，係team work，我要多謝台前幕後全部工作人員，最後一定要多謝我啲Fans，一直對我不離不棄。」
恭喜晒！