【逆緣】陳家樂認定余香凝真愛 未求婚已送定鑽戒:會照顧佢一世

撰文:陳栢宇
出版:更新:

陳家樂最近憑《逆緣》裡面嘅角色而深受觀眾喜愛,搞到唔少人都翻睇佢以前嘅舊作,多數都應該係睇佢十年前扮乸型嘅《盛裝舞步愛作戰》同最近演技大躍進嘅《幸運是我》,但其實4年前播映嘅港台劇《總有出頭天》都好值得一睇。點解?因為呢套劇係佢同女友余香凝(Jennifer)嘅定情之作,裡面仲有佢哋兩個勁浪漫嘅錫錫場面添!

【逆緣】陳家樂女友余香凝唔止樣靚 上年提名金像獎女新人

【逆緣】被逼翻睇4年前HeHe場面 陳家樂掩面勁尷尬:有少少刺激

陳家樂同Jennifer就係喺4年前嘅港台劇《總有出頭天》度一吻定情喇!(電視畫面)

名乎其實錫到地動山搖樓都冧:

《總有出頭天》裡面佢兩個就扮演「職安真漢子」,其中陳家樂就係做新世代搭棚達人,而Jennifer就演女監工。第一輯劇情去到中段佢兩個就開始曖曖昧昧,Jennifer當時仲未同劇中男友趙勁皓分手,就已經發夢同陳家樂喺街頭咀對咀,大玩精神上出軌。去到第二輯,已經同趙勁皓分咗手嘅Jennifer就應承咗陳家樂嘅求婚,而陳家樂仲話肯幫Jennifer一家供樓添。

【逆緣.專訪】陳家樂極窮被迫過隱青生活:冇錢到飯都唔敢食!

濕身求婚,鬼咁浪漫。(電視畫面)
+5

其實現實裡面陳家樂都係一個100分好仔嚟,3年前公開戀情嘅佢最近就話5年內會同Jennifer拉埋天窗,而1年前佢揸車接Jennifer收工時,就勁唔好彩咁有俾人從後撞上而撞上石壆,搞到Jennifer撞至鼻骨爆裂,而陳家樂就好擔心女友情況,仲話有咩事會照顧對方一生一世!

上年陳家樂同Jennifer好不幸遇上車禍,嚇親好多粉絲,好彩Jennifer好快就冇事。(網上圖片)

咁當然吉人自有天相啦,Jennifer好快就好返,Jennifer之前受訪時就話陳家樂就想畀個Message佢,希望佢硬淨啲,所以送咗隻鑽戒畀佢。講返呢隻戒指,陳家樂接受《香港01》訪問時就咁講嘅:「嗰次車禍令我覺得生命好無常,我希望將來可以好好照顧佢,所以買咗隻戒指代表一個承諾,所以唔係求婚戒指嚟,佢都話我做咩要買。」其實香港地真係冇邊幾個男仔未求婚就已經送鑽戒,可想而知Jennifer對陳家樂嚟講係幾緊要吖,各位「陳太」恨唔到架喇。

陳家樂同Jennifer3年前同日貼出遊長洲嘅相片,因此洩「蜜」。(網上圖片)

余香凝真心靚,服唔服都看圖:

+24