【逆緣】被逼翻睇4年前HeHe場面 陳家樂掩面勁尷尬:有少少刺激

撰文:
最後更新日期:

陳家樂最近憑住無綫《逆緣》勁入屋嘅冷凍人角色彈起,一班同佢出生入死、一齊為英皇效力好朋友都好戥佢開心,仲經常幫佢喺網上造勢添。最近一班英皇藝人搞嘅搞笑facebook專頁「冤枉娛樂」,就播出一條逼陳家樂翻睇自己喺2014年微電影《愛,不難》嘅演出片段,搞到陳家樂鬼死咁尷尬。

【逆緣】陳家樂加入社署特別調查組 現實係負責幫社署查家宅?

陳家樂翻睇4年前舊作《愛,不難》時表現得非常尷尬。(影片畫面)

陳家樂喺《愛,不難》裡面就同游學修做一對HeHe情侶,而故事就主要講游學修發現前男友有愛滋病後,就同陳家樂一齊做病毒測試,最後兩個嘅測試結果都係呈陽性反應。不過呢啲都唔係重點,重點係陳家樂同游學修有唔少親密場面,先有全裸陳家樂喺浴缸環抱游學修,後有雙方兩度肉緊激吻。

【逆緣.專訪】陳家樂極窮被迫過隱青生活:冇錢到飯都唔敢食!

陳家樂同游學修喺《愛,不難》裡面錫得好肉緊。(電影畫面)

重溫陳家樂同游學修喺《愛,不難》嘅兩場激咀場面:

+16
+15
+14

當陳家樂翻睇到自己同游學修嘅激咀片段時,就即刻嚇咗一跳,「Wow」出聲兼彈後掩咀,仲話自己唔記得咗有呢一幕。之後,陳家樂就分享返當時嘅感覺:「錫男仔同錫女仔有咩分別,就係錫男仔,尤其是係游學修,佢好多鬚根,一錫落去嗰種好拮嘅感覺,係平時錫女仔唔會有嘅感覺嚟,帶有少少刺激。」仲講到尷尷尬尬咁,相信好多女士都會讚佢表現Cute爆。

陳家樂重溫完同游學修激吻場面後,就話其實當時個感覺真係有少少刺激。(影片畫面)

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。