【逆緣】黎耀祥起底扮批中呃夏文汐50萬 玄學界好多呢種敗類? 

撰文:陳栢宇
出版:更新:

黎耀祥喺無綫劇《逆緣》霉咗十幾集,最近終於開始翻身喇!上星期用「靈鳥報訊」一招扮高人呃Like嘅佢就決定繼續呃呃氹氹,尋日仲開始同一班富婆睇風水添,依家就講到佢開始埋到夏文汐身。上門幫夏文汐批命嘅祥仔,就批出夏文汐28年前生咗個私生女,令夏文汐嘖嘖稱奇,話咁多年嚟都係得祥仔講到呢件事出嚟,最後夏文汐仲塞咗張50萬支票畀祥仔,但其實成壇嘢根本就係祥仔喺睇到元祖龍羽居士嘅見客紀錄,紀錄上面睇到夏文汐問應否墮胎先做到。

【逆緣】夏文汐未夠廿歲已係豪放女神 代表作《唐朝豪放女》堅爆

黎耀祥喺《逆緣》裡面批中夏文汐有林夏薇呢個私生女,但實情係之前無意中睇到對方曾經問過相士應否墮胎。(電視畫面)
+4

雖然黎耀祥冇做傷天害理嘅事,但點睇咁樣起完人底之後呃呃氹氹始終都唔係正道嘅事,咁究竟玄學界係唔係充斥住呢啲「旁門左道」方法呢,又係唔係好多師傅都咁樣做呢?上過無綫《新春開運王》嘅堪輿學家陳子才就話行內真係有唔少呢啲師傅:「我哋行內會稱呢啲叫『鑑爻辨識』,佢哋根據客人基本背景資料,或者睇到客人著得光鮮啲,就講多啲好說話,等客人高興啲,以我所以國內這種情況更多。」

【逆緣】殮房扮屍臨記最專業 陳家樂都讚:幾十歲撻一撻都大鑊

曾經上過《新春開運王》嘅陳子才師傅,就話黎耀祥呢種起定客人底嘅取巧做法叫「鑑爻辨識」,而且仲好常見。(電視畫面)

子才師傅絕對唔認同呢種方法:「佢哋呢種方面係好取巧,希望可以短時間博取到客人信心,真正係『風水佬呃你十年八年』。依家科技好先進,真係有人上Google、facebook搵客戶基本資料,睇埋佢去邊、做過咩,然後扮自己算出嚟,好似黎耀祥喺套劇咁,就直頭係呃人喇!」至於香港大約有幾多師傅咁做?子才師傅就話一定有:「但你要話100個裡面有幾多個係咁,我就數唔到畀你喇。」師傅亦都話如果係以睇命格為主,加上睇客人嘅氣息、狀態,先至係合理做法。

子才師傳話黎耀祥呢種呃呃氹氹嘅方面好常見,有多師傳都會上網Check定客人嘅資料,甚至睇埋佢最近衣食住行係點。(電視畫面)