【母親節】張繼聰冧爆叫老婆謝安琪負責快樂：其他嘢我頂哂！
撰文：張嘉敏
出版：更新：
又到了一年一度的母親節，主角當然是一眾母親啦，做人子女的要趁機對媽咪表達愛意，其實做人老公的都要識得氹下老婆開心，因為做媽咪唔止要照顧小朋友，仲要照顧成個家庭，真係少些精力心機時間都唔得㗎。所以向來好愛錫老婆的張繼聰就好識做，決定要出手去讓老婆謝安琪過一個快樂的母親節，確是一個廿四孝老公。
張繼聰一腳踢湊住仔女，畀老婆謝安琪放假。(IG圖片)
張繼聰一家四口勁幸福。(IG圖片)
阿聰要出手做咩？咪就係負責照顧一對仔女，等老婆可以休息下囉。他今日於facebook上載了他和大仔張瞻以及細囡張靖的相，相中的他一邊抱住囡囡，一邊就餵仔仔食飯，慈父樣出晒嚟，成個畫面好溫馨。他留言表示：「母親節母親們負責快樂！其他嘢我頂哂！ 」能夠有個咁好的老公同一對咁乖的仔女，謝安琪今個母親節一定過得開心又滿足，唔知呢張相係咪她負責揸機影的呢？真係隔住個芒都feel到他們一家有幾咁幸福。
謝安琪今個母親節一定好快樂。(IG圖片)