【深宮計】周秀娜踢走胡定欣奪取皇后之位：我因為暗戀皇上先入宮
撰文：張嘉敏
出版：更新：
無綫重頭劇《宮心計2深宮計》已經播映了10集，不過仍未見有份主演的周秀娜 (Chrissie) 出場，因為她要到第18集先會出場，大家如果想睇她的演出唯有再耐心等下。Chrissie今日出席活動時表示，自己都心急想睇自己於劇中登場，她說：「我嘅出現會令胡定欣同馬浚偉嘅關係起咗好大嘅變化。(你係第三者？) 唔係，我係妃子嚟，皇上有好多妃子㗎嘛，妃子唔係第三者。」據知Chrissie之後將會取代胡定欣的皇后位置，深得皇上馬浚偉的寵愛。問到Chrissie在劇中到底用了甚麼手段去奪取皇后之位，她說：「就係唔使任何手段先勁，我係用愛，講我好愛馬浚偉，因為暗戀佢所以先會入宮，大家拭目以待。」
佢將會成為皇后。
周秀娜同李克勤一齊出席世界盃活動。（梁碧玲攝）
Chrissie這次為世界盃活動擔任嘉賓，原來平時幾乎不睇波的她也會收看世界盃的賽事：「嚟緊我會睇呀，我心目中嘅四強係葡萄牙、英格蘭、德國同阿根廷。自己唔鍾意一個人睇波，鍾意同朋友一齊睇。（有無賭波？）小賭怡情，其實我唔識㗎。」至於球星，她就喜歡C朗、美斯以及尼馬，不過她認為巴西隊的往績表現很難打入四強。
周秀娜由拍寫真開始，到上年憑《２９＋１》提名最佳女主角。
另外，有報道指Chrissie代言的內衣品牌官網已經停止運作，對此Chrissie說：「其實我同佢哋嘅合作喺兩年前已經結束咗，我無再參與過任何有關嘅嘢，我希望佢哋可以度過難關。」她又話暫時未有再做生意的打算：「就算做都係做網上嘅，始終做生意都要親力親為，除非有好信任嘅partner，咁我都可以投資下嘅。」
Chrissie會睇今年嘅世界盃足球賽。（梁碧玲攝）
+9