【3日2夜】陳約臨預俾連登仔評頭品足：佢哋講中晒我所有嘢！

《3日2夜》蘇梅島篇就有陳約臨（Kelly Chan）與潘梓鋒做主持，這一集就介紹了泰國度假勝地蘇梅島，三千幾呎海景泳池別墅，三面落地大玻璃加無敵海景還有潛水，真令人心曠神怡。播出之後，不少網民都對女主持陳約臨好奇，更形容她「很適合外國人」觀看口味。

雖然陳約臨並不是香港人審美角度中的美女，但在外國人眼中似乎也有不錯的吸引力。陳約臨接受《香港01》訪問時說：「尋晚（8月4日）節目播出街之後，我IG就多咗好多followers，咁我咪上連登睇下啲人講咩囉。我都估到佢哋會討論㗎啦，其實都驚咗好耐，因為我對比起其他女仔都唔係太好身材。我睇完之後覺得：『唔，講中晒我所有嘢。』係唯一一點，我冇公主病囉。」「連登網民」說的，無非是形容陳約臨有鳳眼、身材平平無奇。看畢網上留言，自言也是「連登友」陳約臨更說：「我覺得佢哋好搞笑。」

但不要以為陳約臨有潘梓鋒相伴就成為了異性絕緣體，原來這次節目，她也有「艷遇」。「高清個啲相，全部都係酒店老闆影㗎，仲攞埋長炮，好專業，哈哈。有次傾開計佢仲叫我去嗰邊發展添，我諗我都係啱外國人 taste多啲㗎啦，哈哈哈。」至於有網友表示陳約臨似「外國小電影」中的女主角，她回應說：「哈哈，我覺得我都幾似 。可能因為我隻眼生得細又鳳眼、皮膚又黑。如果有機會都想演下戲，咁當然唔係『小電影』啦。不過以前有人搵我拍廣告嗰時，都話搵我嘅原因係似啱外國人taste嗰type。」

其實陳約臨在2017年就已經加入了TVB成為主持之一，其間也參加了不少節目拍攝，例如《丁酉年沙田龍舟競渡》、《2018平昌冬季奧運會 - 精彩全接觸》等，其中擔任了《體育世界》的主持。自言並不是專業運動員的她其實十分熱愛運動。「我平時好鍾意跑步、泰拳、滑水，攀石、游水、瑜伽，雖然唔係話好叻，但係我樣樣都會識啲。」在此之前，陳約臨在2016年經澳門選美連盟選為「2016年度國際小姐選美活動」的香港代表，最後更贏得「亞洲皇后」（Miss International Asia）獎項。