【3日2夜】陳瀅劉佩玥打孖遊俄羅斯 冰天雪地原來暗藏福利
撰文：林迅景
出版：更新：
陳瀅同劉佩玥去俄羅斯玩，真係靚人加靚景。（Instagram圖片）
歌都有得你唱，「陳瀅親近我～陳瀅爭奪我～陳瀅關懷是誰大平賣親和～」全城熱盼、由陳瀅及劉佩玥主持的《3日2夜》俄羅斯篇昨晚（9月22日）終於首播，大家終於有機會隔住個電視「親近」陳瀅。雖然，兩位女神拍攝《3日2夜》時正值俄羅斯冬季尾聲，冰天雪地之下兩位主持都是穿著厚厚大衣睇風景打卡，但在極度缺乏養眼鏡頭的情況下，依舊大受歡迎。這次陳瀅、劉珮玥主持的《3日2夜》俄羅斯篇顯然是大製作，攝製團除了拍攝俄羅斯必遊的聖彼得堡及莫斯科之外，更到了另一新興旅遊點莫曼斯克（Murmansk）睇極光，玩足三個大城市，明顯地「落重本」。
冰天雪地一啲都唔輸蝕，隨時好睇過陽光與海灘。（Instagram圖片）
之不過，你以為陳瀅、劉佩玥兩位女神去到冰天雪地就會全程著晒羽絨大褸？咁就大錯特錯啦！當她們去到一間豪華式餐廳時，陳瀅就應了好姊妹要求穿上了一身性感婚紗拍照留念，陳瀅更臉露幸福笑容躺在劉佩玥的大腿上。節目陳瀅表示覺得「去到邊影到邊」是港女行為，但仍然興幸劉佩玥「逼」了她一起拍了這輯「瀅蜜玥」婚紗照，謂：「可能隔咗兩年後我都唔記得自己嚟過聖彼德堡去過咩嘢，所以都好感激佢每次都拉住我話要影相。」而劉佩玥也說：「我同佢可以去旅行已經係一個bonus。」啱嘅，兩位女神一齊影婚紗相，呢啲嘢真係可遇不可求！
+25
陳瀅圖輯：
+8
劉佩玥圖輯：
+12