【再創世紀】楊怡遭狗仔隊潛入家偷拍 ：真係好唔尊重！
撰文：吳子生
出版：更新：
楊怡今日（22/9）以代言人的身份出席好友李霖恩的醫學美容中心開幕禮，笑言可以攞正牌免費做美容：「好多謝老闆搵我做呢個代言人，做呢個代言人咩都可以做，咁我第一時間就梗係做去斑啦，因為成日都會日曬雨淋，最好有埋減肥就最好啦，因為減肥係長久嘅工作。（酬勞呢？）好滿意，雖然係朋友但都冇壓價。」
楊怡家居被偷影屋內情況表示憤慨。（黃國立攝）
郭晉安與楊怡主演的劇集《再創世紀》正在熱播當中，二人奸到出汁的演技更被稱為「腹黑CP」。人氣再次急升的楊怡亦又成為傳媒追訪對象，日前有傳媒更加潛入她的屋苑範圍內，偷影其家中情況，楊怡發現後，於個人微博譴責相關行為。問及此事，楊怡難掩不滿：「影就還影，但影到嚟屋企門口，就真係有點兒唔好喇！第一屋企係私人屋苑，仲要喺正你門口係咁影，我就覺得有被騷擾嘅感覺。雖然我係藝人，我都明白傳媒心態嘅工作，我係好包容嘅，但我覺得都要適當，輕微嘅空間，一個距離，一個街口都好呀！唔好被我喺視線範圍見到都好呀！咁樣我會安心啲囉！」
（微博截圖）
楊怡稍後考慮在家中安裝窗簾，防止再被偷拍（黃國立攝）
點擊睇楊怡羅仲謙甜蜜放閃合照：
+5