張彥博「雄姐」現真身 自認最似樣女星是梁詠琪？
撰文：李文偉
出版：更新：
張彥博在劇集《跳躍生命線》中憑「雄姐」一角成功出位，更獲廣告商睇中贊助舉行人生第一場演唱會，同時接下不少廣告工作，阿博早前就為廣告試妝並將相片放到社交網站，擁有大眼的他輕易地男扮女裝，被網友大讚有似足韓國女神宋智孝，更笑言是「雄姐」現真身！
張彥博擁有童顏及大眼，原來對扮女人有幫助。（Instagram）
網友對阿博的扮相評價極高，他接受《香港01》訪問時笑言：「半夜貼張咁嘅相，冇嚇親大家都偷笑！想不到網友接受到咁高，咁想見到雄姐。」問阿博覺得自己似不似智孝？他表示：「其實中學時同學係話我似Gigi（梁詠琪），但其實每次我化女妝，都只係覺得似我阿媽，時至今日佢都係咁靚！」
大家又覺得似唔似？（陳順禎攝）
今次阿博將女裝扮相放上網，是否預告在演唱會會扮女人？他說：「要睇大家反應熱唔熱烈，其實我不是第一次扮女人，第一次是在《變身男女Chok Chok Chok》扮一個叫Bonnie的女角色，然後在祖藍婚禮扮過白雪公主，若果可以我都想在演唱會扮返Bonnie，因為係我一個好好的回憶。」