【十大中文金曲】謝霆鋒驚喜現身　唱《光輝歲月》掀高潮！

「今天只有殘留的驅殼　迎接光輝歲月」港台真係充滿驚喜呀！原本大家都對由港台主辦嘅《第41屆十大中文金曲 「用心．聽」音樂會》無乜期望，但點估都估唔到，港台竟然請到封咪改拿鑊鏟嘅謝霆鋒出山！仲拎返起支結他，一嚟就唱《光輝歲月》喇！啲回憶刻返晒嚟！

唱完《光輝歲月》，謝霆鋒又唱咗首《青空》，唱完之後你以為完？點知霆鋒仲除衫，繼續唱，仲要唱自己嘅首本名曲《潛龍勿用》！獻歌之餘仲騷埋結他solo，證明自己拎雖然拎咗幾年鑊鏟，但佢手結他係絕對無生疏到！