【你咪理，我愛你！】岑麗香陀B胃口大開：食咗大半個Pizza先出嚟
撰文：李婉文
出版：更新：
岑麗香今日（29日）出席王祖藍首次執導的歌舞電影《你咪理，我愛你！》首映禮。提到電影是一齣歌舞片，有份演出的香香便大爆戲內會與王浩信跳一隻「好sexy好sexy嘅舞」。首次參演歌舞電影的她又坦言平時很少唱歌，而跳舞也不是她強項，所以今次能順利完成拍攝都覺得非常感恩：「原來我都做得到嘅，所以好多謝祖藍畀咗呢個挑戰我。」
陀住6個月B的香香坦言飲食上有遵照醫生指示。（葉志明攝）
提到香香現時懷有六個多月身孕，行步路都要格外小心，她即透露老公強強好放心她出去工作：「佢覺得我就算大肚都要同社會有接觸、交流，間唔中做下嘢都OK嘅。」問成為準媽媽後生活或心情有沒有變化？香香說：「間唔中有啲嘢係要食就要即刻食嘅感覺。今日我出門口之前我就無啦啦好想食pizza，跟住嗌咗個，食咗多過一半嘅pizza，仲要係一個正常size大嘅pizza，哈哈。」
香香暫時不透露BB性別。（葉志明攝）
+1