陳曉華努力籌備華姐比賽:我唔可以再恃住自己食極唔肥而放肆

撰文:葉詩
出版:更新:

陳曉華(Hera)今日(30日)出席香港馬術大師賽記者會,透露近日和朋友到北海道旅行:「我覺得好開心,因為我第一次睇雪,喺北海道睇雪覺得啲雪真係好靚,同好似電影裡面播啲雪咁白雪雪,超靚!我自己好鍾意影相,就帶咗自己部相機同啲朋友影相,影影吓凍到手都震晒,唔小心跌咗部相機,勁驚部相機壞咗,好彩有個朋友影開相幫我解決到。」Hera和朋友去了體驗滑雪一天,所以也不預期能學會滑雪,下次有機會會再挑戰;Hera又表示自己是小心型的學生,一但加速向前衝就會自行減速,所以避免了跌倒。

Hera想新一年有機會挑戰演技,實踐在訓練班學到的知識。(葉志明攝)

Hera最近為籌備華裔小姐的比賽而忙碌:「我就都係keep fit啦,同練才藝表演。以前我會同大家講唔使keep fit㗎、開開心心就得㗎喇,但經歷完港姐之後,發現原來係一定要做運動。我而家開始做運動,就特登搵咗個trainer嚟教我做運動,咁佢就同我講話如果你而家唔練,去到25歲之後冇肌肉係一定會肥,咁所以我就開始驚。喺練嘅過程入面其實真係好辛苦,但我唔可以再恃住自己食極唔肥而放肆囉。」說到新年將至,Hera就希望:「自己唔好食咁多年糕,唔好食咁多嘢,好驚減唔切肥!」對自己實行徹底管理,希望在華姐取得好成績。

陳曉華又透露情人節約了鄧卓殷(Amber)去Shopping,問到會不會想找個男朋友一起過節,Hera就期望找個好的男朋友。(葉志明攝)

最近是流感高峰期,醫護人員都紛紛抗議人手不足的問題,曾經是學護的Hera就表示深深體會到前線醫護人員的心情:「其實我以前做護士學生嘅時候,都好深深明白到喺流感高峰期嗰種忙碌,真係廁所都去唔到,前線人員無論護士又好、醫生又好真係好辛苦。我好多同學都係讀Nursing,佢哋有時候都會呻,佢哋好多都系新人、新入職一年,好多嘢都唔係做得咁快手,就會緊張怕做唔完啲嘢。咁我都希望佢哋加油啦!我都明白好忙碌好辛苦嗰種感覺,可能一星期返足六日甚至七日,其實真系好辛苦,你哋要加油!」

+5