楊紫瓊自嘲閃到子彈都閃唔過一個...？內疚要未婚夫擔心
撰文：賴家杰
出版：更新：
楊紫瓊（Michelle）上月在西班牙渡假時弄傷腿部，由未婚夫送進醫院然後腿部縫了十針，大家也很關心她的傷勢，今天（25日）她出席慈善晚宴說到已康復了她多，她更開玩笑說到：「我好論盡，我可以閃子彈但閃唔到個桶，個晚一冼跪咗落個桶到好危險，好彩喺屋企，之後即刻去醫院，醫生都好細心。」
Michelle自嘲好論盡，搞到要入醫院縫針。（梁碧玲攝）
現在她正忙於拍劇，Michelle笑言盡量避免拍到腳的部份：「依家特技好犀利，可以遮到傷口，但影相都要遮住，因為早兩日影相都要遮住傷口。」但提到最擔心的人一定是她的未婚夫：「嗰一晚嚇到佢傻咗，因為佢睇到仲驚，驚嗰個位唔係流好多血，但傷口好深，不過已經發生，冇得再驚，但我睇到佢表情好驚。」
Michelle透露未婚夫從來唔會叫佢唔好拍動作戲，但會提佢小心啲。（梁碧玲攝）
《Star Trek：Discovery星際爭霸戰：發現號》第二季現在也在播出，Michelle很滿意這部劇集，表示今年會開拍第三季：「我好期待，因為第二集都好好睇，我希望你哋會捧場。」