MIRROR寄語《全民造星II》參加者 姜濤:準備定啲的士錢

撰文:李婉文
出版:更新:

組合MIRROR昨日(10日)出席ViuTV節目巡禮發布會,以表演嘉賓身份為《全民造星II》宣傳,跳唱表演《全民造星》主題曲《前傳》。隊長楊樂文(Lokman)表示他們剛剛忙完新歌的錄音和MV拍攝,副隊長江熚生(Anson Kong)就補充:「嚟緊最大嘅準備就係下個禮拜嘅坤哥(吳業坤)演唱會。」他們透露會跟坤哥合唱,但表演什麼就要先賣個關子。

MIRROR透露他們的新歌將會於月尾推出。(陳順禎攝)

被問到ViuTV將推出《全民造星II》,MIRROR成員們會否擔心有新人會威脅到自己的地位,成員王智德(Alton)說:「其實諗返當初參加《全民造星》嘅時候,已經有100個人喺度競爭緊,依家叫做入到嚟12個,就算之後再有危機都樂,我哋都幸運緊啊。」

MIRROR透露他們主持的綜藝節目《MIRROR GO》在播完韓國之旅後,會以新的模式見大家,Lokman說:「遲多一兩個禮拜會有一個新模式嘅《MIRROR GO》送畀大家。」(陳順禎攝)

快要當師兄,MIRROR有沒有說話想跟考慮參不參加《造星II》的人講,Lokman說:「如果你考慮緊參唔參加《全民造星II》,我就覺得,唔好考慮,報左先算。」(姜濤:準備定啲的士錢。)(記者:點解?)「因為成日收得好夜。」Alton預告下一季:「節目嘅節奏係會比你想像中更快!」(記者:你作為冠軍有無咩想叫參加者準備好啲?)姜濤:「加油加油,只要你努力,你就會係冠軍!」眾成員起哄說:「我哋都有努力㗎喎,即係你覺得我唔努力啦!」場面非常搞笑。

MIRROR認為《全民造星II》反而是一個機會給他們再反思和學習。(陳順禎攝)

隊長Lokman透露他們12人將會一同拍一套新偶像劇,「嚟緊隔多一兩個月就開始拍。」他們補充劇集還在構思當中。而姜濤和Anson Kong有份拍的《退休女皇》已經拍攝完畢,會在短期內播放,播放日期將會公布。

+12