【鐵探】鄧佩儀不甘當「最霉」華姐 將勤補拙升呢與惠英紅鬥戲

撰文:黃欣華
出版:更新:

近年TVB花旦買少見少,亦帶挈不少新小花獲力捧,其中現年26歲的華姐冠軍鄧佩儀(Gloria)不單止有份參與《幕後玩家》、《不懂撒嬌的女人》和《再創世紀》等多部重頭劇外,更在新劇《鐵探》中飾演惠英紅的臥底,更與姜皓文(黑仔)有不少對手戲,表現相當亮眼!

Gloria在2013年參選《國際中華小姐競選》勇奪冠軍後入行,她在處女作《點金勝手》中飾演卓彧(黃宗澤飾)的親妹卓至然,初生之犢的她就被批表情木訥且講對白生硬,受盡負評。直到Gloria在《幕後玩家》中,以短髮一洗清純形象性感上陣,令不少觀眾刮目相看!在《再創世紀》,她更與兩位男神袁偉豪和周柏豪擔正組成「新三劍俠」,成功洗底,演技備受好評,更被指是師姐鍾嘉欣的接班人。

鄧佩儀的處女作是《點金勝手》,演出難免生硬!(網上圖片)
在劇中Gloria相當醒目,是紅姐的王牌卧底!

點撃下圖重溫當年!

+4

機會略遜其他華姐冠軍 Gloria:機會唔係必然!

根據資料,Gloria相比其他華姐冠軍,包括已為人母的岑麗香、鍾嘉欣、陳凱琳等,其演出機會不算很多,7年只有11套劇播出,大部份重頭劇,都集中在過去兩年首播,Gloria接受《香港01》訪問時就直認近年的確多了不少演出機會,她稱:「公司俾咗好多機會我,我真係好感恩!以往7年,令我都知道好多機會唔係必然,要有一個角色有佢自己個名同對白係唔容易嘅事,呢一個圈子入面有咁多靚女,咁多人,而監製同公司肯畀一個機會你,肯去試你一個新人,所以每一個角色都會盡我最大最大嘅努力同能力,希望唔會辜負任何一個畀機會我嘅人!」

Gloria雖然遲出場,但戲份亦好重!

《鐵探》做卧底 參考佘詩曼演釘姐

而在《鐵探》中首次挑戰演卧底的她就稱角色難度很大,她表示:「今次挑戰都幾大,因為做卧底離現實中的鄧佩儀實在太遙遠,係喺現實中冇可能會揀去做嘅嘢!所以我都花咗時間去設計個角色,會諗如果我呢個歲數要去做卧底到底係咩感受,亦都參考咗佘詩曼喺《使徒行者》嗰個角色去幫助我設計我呢個角色。所以,相對我以往嘅角色,挑戰係極度大,同真正嘅我好唔同,不過都好過癮,因為我一直都好想演警察嘅角色,今次終於試到啦!」

Gloria自爆會突然入戲,強調不是發呆!(受訪者提供)

點撃下圖更多劇照!

+3

將勤補拙 冇戲拍照樣睇黑哥偷師

在劇中,Gloria與紅姐和黑仔有不少對手戲,她就坦言相當緊張:「坦白講同紅姐演嘅第一場有少少緊張,但我同自己講下一次真係唔可以緊張,因為一緊張演技就會生硬,所以第二次就控制到我心情。仲好記得紅姐都好nice,有一場戲我做極都唔順暢,問完佢之後真係順好多,幫助我好多。而喺黑哥身上都學咗好多嘢,因為佢呢套劇有好多感性嘅戲係同佢媽咪,好多情感上嘅嘢。而我一直都好鍾意研究情感上呢一方面嘅演技方法,亦都好想令到自己進步,所以有幾日冇我嘅戲我都突登入去睇黑哥!因為齋睇佢點培養,定係喺NG情況下點樣喺同一個位流眼淚,好多方面都學到嘢。」

Gloria在戲中亦有不少打戲!

近年劇接劇,Gloria就笑言唔怕辛苦:「我唔係一個好有計劃嘅人,希望工作唔好停,亦都好希望可以拍旅遊節目,因為呢7年都未試過。(怕唔怕會性感?)唔怕,最多咪着比堅尼,我選美嗰陣都有着,OK㗎!」

好想睇Gloria主持旅遊節目!(IG圖片)

點撃下圖睇Gloria更多靚相!

+13